POP 5

Lajmet më të lexuara të 5 minutave të fundit

Sport

Skandali me vizat/ Skuadrës së Kukësit i bashkohet edhe Reginaldo, sot luhet Torpedo - Kukësi

Sot në orën 19:00 luhet ndeshja Torpedo Kutaisi-Kukësi e vlefshme për turin e tretë të Europa League.Pas shumë peripecive skuadrës i është bashkuar sot edhe sulmuesi Reginaldo.

Pas shumë problemeve dhe qëndrimit për dy ditë në aeroporte më në fund Kukësit i është bashkuar edhe sulmuesi kryesor Reginaldo.

Futbollisti nga Mozambiku bënte pjesë në grupin prej katër futbollistëve të cilëve iu refuzua viza nga autoritet gjeorgjiane. Dje iu bashkua skuadrës portiere Maloku dhe sot Reginaldo ndërsa përfundimisht mbeten pa udhëtuar drejt Gjeorgjisë futbollistët nga Maqedonia Edis Maliqi dhe Valon Ethemi.

Nga ana tjetër skuadra është gati për ndeshjen e sotme kundër Torpedo Kutaisi dhe është stërvitur në stadiumin ku do luhen 90 minutat e para të duelit të vlefshëm për turin e tretë të Europa League.

Verilindorët pritet të luajnë me Frashërin në portë dhe më pas në mbrojtje me Hoxhën , Shametin, Qaqin dhe rrumbullakun ndërsa në mesfushë do jenë Çyrbja , Dzaria, Musolli dhe Melo ndërsa në sulm Harba dhe Plaku ose Reginaldo.

Trajneri Armando Cungo ka folur rreth situatës së krijuar duke thënë se ishte absurd dhe e pakuptimtë.

Normalisht që u gjendëm përballë një situate e cila ishte krejtësisht e pakuptimë. Nuk ishim përgatitur. Kishim përgatitur stërvitjen gjatë gjithë javës me këto persona kur na japin lajmin se kanë probleme dhe se nuk mund të udhëtojnë. Nuk janë pak katër sportistët të cilat janë pjesë kryesore e grupit. 

Armando Cungu 

4 futbollistëve të Kukësit iu refuzua viza nga autoritet gjeorgjiane ndërsa pas shumë përpjekjeve dy prej tyre iu bashkuan skuadrës. Dje Presidenti Safet Gjici në një komunikim për Report Tv nga Tbili e cilësoi racizëm dhe theksoi se në Gjoergji u pritën si armiq. Ndërsa ka vënë 100 mijë euro shpërblim për fitoren në ndeshjen e sotme.
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08