Skanimet 3D zbulojnë rrënojat e titanikut si kurrë më parë, ende shpresë për të zgjidhur misterin e tragjedisë së 1912

Është realizuar skanimi i parë dixhital me përmasa të plota i Titanikut, i cili shtrihet poshtë në Atlantik. Ai siguron një pamje unike 3D të të gjithë anijes, duke bërë të mundur që ajo të shihet sikur është nën ujë. Me këtë ekspertët shpresojnë të zbulojnë atë çfarë ndodhi saktësisht në anije e cila u mbyt në 1912 dhe më shumë se 1500 njerëz vdiqën

Skanimi i parë dixhital me përmasa të plota i Titanikut, i cili shtrihet 3,800 m poshtë në Atlantik, është krijuar duke dhuruar një pamje shumë pranë së vërtetë. Ai siguron një pamje unike 3D të të gjithë anijes, duke bërë të mundur që ajo të shihet sikur nuk është nën ujë.

Shpresa është se kjo do të hedhë dritë mbi atë që ndodhi saktësisht me anije, e cila u mbyt në 1912. Më shumë se 1500 njerëz vdiqën kur anija goditi një ajsberg në udhëtimin e saj të parë nga Southampton në Nju Jork.

“Ka ende pyetje, pyetje themelore, që duhet të marrin përgjigje në lidhje me anijen,” tha Parks Stephenson, një analist i Titanikut, për BBC News.

Ai tha se modeli ishte “një nga hapat e parë të rëndësishëm për të çuar historinë e Titanikut drejt kërkimit të bazuar në prova – dhe jo spekulimeve”.

Skanimi u krye në verën e vitit 2022 nga Magellan Ltd, një kompani hartash në det të thellë, dhe Atlantic Productions, të cilët po bëjnë një dokumentar për projektin.

Nëndetëset, të kontrolluara nga distanca nga një ekip në bordin e një anijeje të specializuar, kaluan më shumë se 200 orë duke vëzhguar. Ata morën më shumë se 700,000 imazhe nga çdo kënd, duke krijuar një rindërtim të saktë 3D. Skanimi tregon disa detaje të vogla, siç është numri i serisë në një nga helikat.

G.MO/r.k./Shqiptarja.com

TAG:
• titaniku