SKEDA/ Nga kandidati që kërkon mandatin e 7-të në Maliq, te Benet Beci që kërkon të thyejë tabunë në Shkodër! Risitë dhe konfirmimet nga 61 emrat e PS për 14 Majin

Nga kjo e hënë, 5 deputetë, 3 nga Partia Demokratike dhe 2 nga Partia Socialiste nuk do të jenë më pjesë e parlamentit të Shqipërisë, për shkak të kandidimit të tyre në zgjedhjet vendore të 14 Majit.

Mandati i deputetit i është dorëzuar më herët në Kuvendit nga Luciano Boci dhe Belind Këllici, ndërsa mëngjesin e së hënës dorëzuan mandatin edhe dy deputetët socialist Benet Beci dhe Besjan Ajazi. Në kuvend ende nuk ka dorëzuar mandatin deputeti demokrat Zef Hila.

Ndërsa afati për të regjistrimin përfundimtar të kandidatëve pranë Komisionit Qendror të Zgjedhjeve është mesnata e kësaj të hëne, forcat politike kanë bërë publike listat e kandidatëve me të cilët do të garojnë. Partia Socialiste, në 44 bashki vendosi të garojë me kryetarët aktualë, duke u besuar një mandate tjetër.

LEXO EDHE:
Bardhi letër Komisionit Europian, PE dhe ambasadave në Tiranë: PS po mbron Olta Xhaçkën, nuk zbatoi vendimin e Kushtetueses për mandatin

Asnjë ndryshim nuk kishin listat e kandidatëve për bashkitë në qarkun e Tiranës, të Beratit, Korçës, Durrësit dhe Lezhës. Ndërsa ‘dora e hekurt’ që vijon të drejtojë duke shënuar rekord në rikandidimin e tij për herë të shtatë, është Gëzim Topçiu, i vetmi administrator i denjë që mesa duket banorët e Maliqit besojnë.

Në qarkun e Fierit, përpos rikonfirmimeve, u shfaqën dy figura të reja; Fatjon Duraj në Bashkinë e Patosit me profesion Inxhinier, dhe Josif Goreja në Bashkinë e Divjakës, investitor, njohës dhe njohës I sektorit të bujqësisë. Rrokada ka ndodhur në qarkun e Vlorës, ku socialistët i japin shansin e rikandidimit vetëm Jorgo Goros, kryetarit atual të bashkisë së Himarës. Në të gjitha bashkitë e tjera, kanë propozuar emra të rinj, ku në Vlorë kandidon Ermal Dredha, në Delvinë Besmir Veliu, në Finiq Romeo Ckulli, në Konispol Erges Dule dhe në Sarandë kandidon Olti Caci.

Nga 3 bashki të qarkut të Kukësit, socialistët propozojnë ndryshime vetëm në Has, ku garojnë me Halit Mulajn, ndërsa konfirmohet Safet Gjici dhe Rexhë Byberi në dy bashkitë e tjera. Në qarkun e Gjirokastrës, PS do hyjë në garë me Leonard Hiden në bashkinë e Libohovës, I ardhur nga radhët e policisë, ndërsa konfirmojnë në garë 6 kryebashkiakë aktualë.

Edhe në qarkun e Elbasanit  në 4 bashki do të garojnë kryetarët aktualë, ndërsa në Gramsh, kandidat është Besjan Ajazi që vjen nga radhët e deputetëve, në Peqin Bukurosh Maci, kryetar aktual I degës së ps dhe Mariglen Disha në Librazhd, ish-drejtor i Kadastrës së Elbasanit. Me shumë ngulm, Benet Beci kërkon të marrë drejtimin e bashkisë Shkodër, ndërsa Kristian Shkreli, zv. Kryetar bashkie kërkon postin e kryetarit në Vaun e Dejës. 3 kryetarët e bashkive të tjera të  Qarkut, vijojnë  garën për një tjetër mandat.

Për qarkun e Dibrës, nga selia rozë u konfirmua për një figurë të re në Klos, Valbona Kola me profesion Mjeke, ndërsa në Bulqizë, postin e Lefter Allës e kërkon Festime Mjeshtri, aktualisht kryetare e PS Bulqizë. Besimin për rikandidim në këtë qark e ka fituar Rrahim Spahiu në bashkinë Dibër dhe Agron Malaj në Mat.

• Qarku Tiranë
• Tiranë- Erion Veliaj (i rikandiduar)
• Rrogozhinë- Edison Memolla (i rikandiduar)
• Kavajë- Redjan Krali (i rikandiduar)
• Vorë- Blerim Shera (i rikandiduar)
• Kamëz- Rakip Sulin (i rikandiduar)
• Qarku Shkodër
• Malësi e Madhe -Tonin Marinaj (i rikandiduar)
• Shkodër-Benet Beci
• Pukë- Gjon Gjonaj (i rikandiduar)
• Vau i Dejës- Kristjan Shkreli, zv.kryetar i bashkisë
• Fushë Arrëz- Frank Tuci (i rikandiduar)
• Qarku Elbasan
• Elbasan-Gledjan Llatja (i rikandiduar)
• Cërrik-Andis Sala (i rikandiduar)
• Belsh-Arif Tafani (i rikandiduar)
• Gramsh- Besjan Ajazi (nga radhët e deputetëve)
• Peqin-Bukurosh Maçi (kryetar i PS)
• Librazhd- Mariglen Disha
• Prrenjas-Nuri Belba (i rikandiduar)
• Qarku Lezhë
• Lezhë-Pjerin Ndreu (i rikandiduar)
• Kurbin-Majlinda Cara (i rikandiduar)
• Mirditë-Ndrec Deda (i rikandiduar)
• Qarku Dibër
• Dibër- Rahim Spahiu (i rikandiduar)
• Mat- Agron Malaj (i rikandiduar)
• Klos- Ilmi Hoxha (i rikandiduar)
• Bulqizë- Festime Mjeshtri
• Qarku Berat
• Skrapar-Adriatik Meta (i rikandiduar)
• Polican-Ardiatin Zotkaj (i rikandiduar)
• Berat-Ervin Demo (i rikandiduar)
• Dimal-Juliana Mema (i rikandiduar)
• Kuçovë- Kreshnik Hajdari (i rikandiduar)
• Qarku i Durrësit
• Durrës- Emirjana Sako (i rikandiduar)
• Shijak- Elton Arbana (i rikandiduar)
• Krujë- Artur Bushi (i rikandiduar)
• Qarku Korçë
• Korçë- Sotiraq Filo (i rikandiduar)
• Pogradec- Ilir Xhakolli (i rikandiduar)
• Devoll- Eduard Duro (i rikandiduar)
• Maliq- Gëzim Topçiu (i rikandiduar)
• Pustec- Palë Kolevski (i rikandiduar)
• Kolonjë- Erion Isai (i rikandiduar)
• Qarku Gjirokastër
• Gjirokastër- Flamur Golemi (i rikandiduar)
• Përmet- Alma Hoxha (i rikandiduar)
• Këlcyrë- Klement Domi (i rikandiduar)
• Tepelenë- Tërmet Peci (i rikandiduar)
• Memaliaj- Gjolekë Guci
• Libohova- Leonard Hide 
• Dropull- Dhimitë Toli (i rikandiduar)
• Qarku Kukës
• Kukës- Safet Gjici (i rikandiduar)
• Tropojë- Rexh Byberi (i rikandiduar)
• Has- Halit Mulaj
• Qarku Vlorë
• Vlorë–Ermal Dredha
• Selenicë-Nertil Bellaj
• Delvinë-Besmir Veliu
• Finiq- Romeo Cakulli
• Himarë-Jorgo Goro (i rikandiduar)
• Konispol-Erges Dule
• Sarandë- Olti Caci
• Qarku Fier
• Fier -Armando Subashi (i rikandiduar)
• Lushnje- Eriselda Sefa (i rikandiduar)
• Mallakastër- Qerim Ismaili (i rikandiduar)
• Roskovec- Majlinda Bufi (i rikandiduar)
• Patos- Fatjon Duraj
• Divjakë- Josif Goreja

TAG:
• PS
• zgjedhjet vendore 2023
• kqz
• Gëzim Topçiu
• Benet Beci

Sondazhi i ditës:

Basha akuzon se ka aleancë PS-Rithemelimi kundër SPAK, e besoni?

• Po

  30.8%

• Jo

  62%

• Nuk e di

  7.3%

Vota total: 4032

• Sondazhi i ditës:

  Basha akuzon se ka aleancë PS-Rithemelimi kundër SPAK, e besoni?

  Po Jo Nuk e di