POP 5

Lajmet më të lexuara të 5 minutave të fundit

Kronikë

Skeda/Kush ishte Bashkim Fino, ekonomisti nga Gjirokastra që u bë kryeministër në ditët më të vështira për Shqipërinë, karriera 34-vjeçare dhe roli në politikën shqiptare

Lajmi i trishtë dhe i zi, për ndarjen nga jeta të politikanit, ish-kryeministrit, ish-deputetit, ish-ministrit, ish-kryebashkiakut dhe ish-deputetit Bashkim Fino, nga virusin vdekjeprurës, ka shënjuar këtë fund marsi të vitit 2021. Po kish ishte Bashkim Fino? Cila është karriera 34-vjeçare dhe roli i tij në politikën shqiptare gjatë 30 viteve të pluralizmit?

Bashkim Fino ka lindur në Gjirokastër në 12 tetor 1962. Pas arsimit të mesëm, kreu studimet e larta në Universitetin e Tiranës, Fakulteti Ekonomik, dega Financë. Fino nisi karrierën profesionale ekonomike si Shef i Sektorit të Studimeve Ekonomike, Qendra e Informatizimit Ekonomik në Gjirokastër, në periudhën 1987-1990. Në periudhën 1990-1992, ishte drejtor i Qendrës se Informatizimit Ekonomik po në Gjirokastër. Në zgjedhjet e para pluraliste në pushtetin vendor në Shqipëri, në vitin 1996, të mbajtur 3 muaj pas zgjedhjeve parlamentare, Fino u zgjodh kryetar i Bashkisë Gjirokastër, post të cilin e mbajti deri në vitin 1996.

Fino ka kryer një sërë specializimesh për menaxhimin e pushtetit vendor në SHBA, Itali, Greqi e Finlandë. Krahas karrierës profesionale në fushën ekonomike, Bashkim Fino ka një karrierë të hershme politike që nga përmbysja e sistemit komunist, në krah të Partisë Socialiste. Që nga viti 1997 dhe deri kur u nda nga jeta Fino ishte anëtar i Kryesisë së Partisë Socialiste, forumit më të rëndësishëm vendimmarrës të saj. I moderuar, serioz, korrekt dhe i pa përfolur kurrë në historinë e tij politik, kulmi i karrierës së Bashkim Finos do të do të shënohej në vitin 1997, ku do të zgjidhej kryeministër i Shqipërisë në qeverinë e Pajtimit Kombëtar, si një figurë e pranuar nga të gjitha palët. Këtë detyrë Fino e ushtroi nga muaj mars deri në korrik 1997.

Roli në kapërcimin e krizës së ’97 u vlerësua ndërkombëtarisht. Krahas detyrës së kryeministrit, Fino ka mbajtur disa poste ministrore, ndërsa emri i tij lidhet edhe me disa nga reformat më të rëndësishme në Shqipëri. Nga vitit 1997 deri në 1998, Bashkim Fino ka ushtuar detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 ishte gjithashtu Ministër i Pushtetit Lokal. Gjatë viteve 2001-2002 ka qenë Ministër i Punëve Publike dhe Turizmit. Ndërsa në periudhën 2004-200, Ministër i Rregullimit të Territorit dhe Turizmit.

Fino është zgjedhur gjithashtu deputet i Partisë Socialiste në të gjitha legjislaturat që nga zgjedhjet e korrikut 1997 deri në zgjedhjet e 2017. Nëse jeta e tij nuk do të ndërpritej në mes, Fino do të zgjidhej sërish deputet në zgjedhjet e 25 prillit, pasi kandidonte i katërti në listën e Fierit. Aktualisht, Bashkim Fino ishte anëtar i Komisionit të Ligjeve. Emri i tij lidhet me relatimin e shumë ligjeve të rëndësishme, por edhe me përcaktimin e buxhetit për organet e pushtetit lokal dhe drejtësisë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Çfarë është raketa më e fuqishme Oreshnik

Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Çfarë është raketa më e fuqishme Oreshnik

25 Nëntor, 20:27