Skenari/ Ja si e kalon Shqipëria
grupin me 3 barazime në Euro 2016

Sot Shqipëria zbret në fushë përballë Zvicrës dhe të gjithë janë me laps dhe letër në dorë duke kalkuluar mundësitë për kalimin e grupit. Duke lënë pas suksesin për kualifikimin për herë të parë në Europian, pasi oreksi vjen duke ngrënë dhe tashmë kuqezinjtë synojnë kalimin e grupit duke mos u kënaqur vetëm me pjesëmarrjen në Euro 2016.
 
Omar Cauduri, një bloger i njohur, ka përllogaritur përqindjen e mundësisë se kualifikimit si e treta më e mirë në grup dhe rezulton se me 3 pikë, të siguruara pas tre barazimeve 0-0, një skuadër ka 87% mundësi që të kalojë mes 16 më të mirëve.
 
Shqipëria shquhet për mbrojtjen e hekurt dhe problemet me sulmin dhe ky është një motiv më shumë që të ngrejë një ‘mur’ në mbrojtje për të mos lejuar prekjen e rrjetës ndaj Zvicrës, Francës dhe Rumanisë.

Poshtë llogaritja për kualifikimin me 3 barazime në grup

d.b/shqiptarja.com