POP 5

Lajmet më të lexuara të 5 minutave të fundit

Kronikë

Skenari për vjeshtën/ Hapja e spitaleve të reja COVID! Rekrutohen 48 infermierë të rinjtë te 'Infektivi' (VIDEO)

Hapja e dy spitaleve të tjera COVID, ai te ish- kirurgjia dhe te ish- godina e universitetit privat, është një nga skenaret e përgatitura nga Ministria e Shëndetësisë për përballimin e situatës së pandemisë, në rast se do të ketë një shtim të rasteve në sezonin e vjeshtës. Për këtë arsye, ka nisur rekrutimi i bluzave të bardha, ku gjatë ditës së sotme personelit te spitali Infektiv iu shtuan dhe një ekip i ri prej 48 infermierësh.

TIRANË- Hapja e dy spitaleve të tjera COVID, ai te ish- kirurgjia dhe te ish- godina e universitetit privat, është një nga skenaret e përgatitura nga Ministria e Shëndetësisë për përballimin e situatës së pandemisë, në rast se do të ketë një shtim të rasteve në sezonin e vjeshtës. Për këtë arsye, ka nisur rekrutimi i bluzave të bardha, ku gjatë ditës së sotme personelit te spitali Infektiv iu shtuan dhe një ekip i ri prej 48 infermierësh.

“Jam shumë e kënaqur që të rinjtë i bashkohen stafeve tona mjekësore dhe janë 48 infermierë që së fundmi i janë bashkuar ekipit të QSUT-së dhe pikërisht Spitalit Infektiv. Tashmë sistemit shëndetësor po i shtohet një armatë e re infermierësh, për të mbështetur ekipet tona shëndetësore. Gjatë kësaj periudhe, kemi rreth 150 punonjës që i janë shtuar sistemit shëndetësor, qoftë Qendrës Spitalore Universitare ‘Nënë Tereza’, spitalit “Shefqet Ndroqi” dhe gjithashtu ekipeve të monitorimit, kontrollit dhe inspektimit në terren”, tha Manastirliu.

Duke folur për përballimin e situatës në vjeshtë-dimër, Manastirliu tha se kanë nisur përgatitjet për hapjen e strukturave të tjera spitalore, tashmë të përfunduara.

 “Plani vjeshtë-dimër, jo vetëm që na ka orientuar drejt fuqizimit të kapaciteteve sa i përket infrastrukturës dhe pajisjeve biomjekësore, por tashmë rritja e numrit të stafeve tona infermierore i shërben cilësisë së shërbimit ndaj pacientëve që vuajnë nga COVID19. Jam e kënaqur që kemi mundësinë që jo vetëm të punojmë së bashku me ekipin e ri, por edhe të kemi mundësinë që në një kohë si kjo e sotmja të trajnojmë ekipe të infermierëve, të cilët më pas do të jenë të gatshëm edhe për të përballuar situatën në vjeshtë-dimër, kur mund të kemi dhe hapje të strukturave të tjera spitalore dhe sigurisht t’i paraprijmë me ndërtimin dhe formimin e ekipeve tona të infermierëve dhe paralelisht edhe të mjekëve”, deklaroi Manastirliu.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10