POP 5

Lajmet më të lexuara të 5 minutave të fundit

Kultura

'Skënderbeu' mbetet në kantier, skulptori kërkon zgjidhje, Bashkia Lezhë 3 vite pas porosisë: Po kërkojmë vend të përshtatshëm!

Fitues i Konkursit Ndërkombëtar të mbajtur 3 vite më parë, Ardian Pepa kërkon zgjidhje për shtatoren e porsitur nga Bashkia Lezhë, të mbetur në magazinë. Kjo e fundit në një përgjigje për Report tv pretendon se ende është duke kërkuar një vend të përshtatshëm dhe se pret përgjigje nga Ministria e Kulturës

'Skënderbeu' mbetet në kantier, skulptori kërkon zgjidhje, Bashkia Lezhë 3 vite pas porosisë: Po kërkojmë vend të përshtatshëm!

Skulptori Ardian Pepa prane statujes se Gjergj Kastriotit ne Vaqarr, dhe reagimi i Bashkise Lezhe

“Skënderbeut” në bronz, do t’i duhet të presë ende për të shkuar në Lezhë. E ngecur për 3 vite në një magazinë në Vaqarr, për shtatoren fituese të konkursit ndërkombëtar  të Beslidhjes së Lezhës (2 mars 2019), bashkia e qytetit thotë në një përgjigje për Report tv, se ende nuk ka gjetur një vend për të.  Ndërkaq një muaj e gjysmë më parë autori, Ardian Pepa, të cilit 3 vite më parë Bashkia i kërkoi të përshpejtonte ritmin për statujën, ngriti shqetësimin e tij në Report tv, pasi as institucionet nuk po e marrin përsipër monumentin, e njëherazi nuk i japin aporvimin për vendosjen e tij gjetkë.

 “Plani i Bashkisë Lezhë për këtë statujë monumentale vijon të jetë gjetja e një vendi sa më të përshtatshëm për vendosjen e saj.”, përgjigjet Bashkia Lezhë, në një shkresë të Drejtorisë së Turizmit dhe Kulturës të firmosur nga kryetari Pjerin Ndreu.

Tentativa e Bashkisë për ta vendosur statujën në sheshin “Gjergj Kastrioti”,  pak kohë pas realizimit dështoi. IKMT prishi në atë kohë (1 mars, 2019) bazamentin 2 m të lartë, në mungesë të një leje, duke qenë se bëhet fjalë për zonën arkeologjike “A”.  Aktualisht, Bashkia Lezhë shprehet se e konsiderojnë ende mundësinë për vendosjen e monumentit pranë kësaj hapësire.

“Plani B konsiston në vendosjen e kësaj statuje sa më afër Sheshit Gjergj Kastrioti duke mos cënuar zonën arkeologjike A”, thuhet më tej nga Bashkia Lezhë.

Për vendosjen e shtatores 3,7 m të lartë (plus 2 m bazamenti) në peshën 1 ton, nuk duhet gërmuar në zonë, ka shpjeguar artisti për televizionin, çka mund të kishte pasoja në zonën e mbrojtur, duke lënë të hapur mundësinë e vendosjes në një tjetër hapësirë.

Të pyetur nëse Bashkia Lezhë ka bërë përpjekje me instancat e tjera për t’i dhënë zgjidhje çështjes, përgjigjia është :

“Jemi në pritje të vendimit zyrtar nga ana e KKRT dhe IKTK pranë Ministrisë së Kulturës”.

 

 Ndërkaq Ministria e Kulturës, ka pretenduar se nuk ka kundërshti lidhur me vendosjen e shtatores jashtë zonës arkeologjike, ndërsa sipas burimeve për televizionin, Bashkia Lezhë nuk e ndërmerr një hap të tillë në mungesë të fondeve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34