Kronplatz, ITALI - Ndalesa e radhës së Kupës së Botës për Skitë Alpine është në Itali, aty ku në pistën e Kronplatz në malet Dolomite u zhvillua lëshimi i parë në disiplinën e Slalomit Gjigant.

Skiatorja italo-shqiptare, Lara Colturi, e cila përfaqëson ngjyrat kuqezi nuk shkoi më shumë se vendi i 22-të, por duke u kualifikuar për në lëshimin e dytë që nis në orën 13:30 pas mesdite.

19-vjeçarja Colturi u nis e nënta në listë, por vendosi vetëm kohën 1 minutë 16 sekonda e 42 të qindtat, për pozicionin final atë të 22-të. Colturi ishte +2.88 sekonda më shumë se kryesuesja e garës, suedezja Sara Hector. Zvicerania Camille Rast u pozicionua e dyta, ndërsa austriakja Julia Scheib e treta.

"Mbretëresha" e këtij sporti, Mikaela Shiffrin u pozicionua e katërta, ndërsa italiania Federica Brignone mori vendin e shtatë pas rikthimit në pistë pas një viti, kjo për shkak të një lëndimi.

Edhe pse në pistën e shtëpisë, Lara Colturi zhgënjeu në lëshimin e parë dhe duke parë rivalet dhe kohën, vështirë se 19-vjeçarja do mbërrijë në podium. Kujtojmë se këtë sezon Colturi është ngjitur katër herë në podium.

Vijon...

30 skiatoret e kualifikuara për lëshimin e dytë