'S'kishim preferenca, por Kraiova është skuadër me traditë'! Trajneri i Vllaznisë: Nuk dua lojtarë vetëm për Europën

Shorti i turit të dytë kualifikues të Conference League e vendosi Vllazninë përballë rumunëve të Kraiovës, një kundërshtar më i fortë në letër por që te shkodranët nuk ka krijuar frikë aspak.

“Asnjë lloj preference, mund të binte edhe më e fortë, por edhe më e lehtë. Ne na ka rënë me një skuadër historike për Rumaninë. Dimë që luajmë ndaj një kundërshtari që ka objektiv për t’u kualifikuar më tej,”-u shpreh Mirel Josa, trajner i Vllaznisë.

Kraiova sezonin e kaluar u eliminua nga Laçi, por trajneri Josa thotë se ajo i përket së shkuarës dhe s’kanë çfarë mësojnë nga ajo ndeshje. Trajneri i shkodranëve u ndal edhe te merkato ku saktësoi se i ka kërkuar klubit të mos nxitojë, pasi lojtarët që do ketë për Europën duhet të jenë edhe për vazhdimësinë e sezonit.

“Nuk duhet të mendojmë shumë për Europën, por për të dyja. Qoftë për Europën ashtu edhe për konsolidimin e skuadrës. Ajo që i kam kërkuar presidentit dhe drejtuesve të klubit është që lojtarët të cilët do jenë në stërvitjen e parë të jetë edhe për vazhdimësinë e sezonit,”-deklaroi Mirel Josa, trajner i Vllaznisë.

Përgatitjet për Kupat e Europës Vllaznia i nisi të mërkurën e 15 qershorit, ndërsa ndeshja e parë e kësaj përballje do luhet në Shkodër me 21 korrik, e kthimit një javë më vonë.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

Personi që sulmoi shkrimtatin Salman Rushdie akuzohet për tentativë për vrasje

Personi që sulmoi shkrimtatin Salman Rushdie akuzohet për tentativë për vrasje