'Skoda' përplas makinën me 4 punëtorë shqiptarë në Greqi, përfundojnë në kanal, por shpëtojnë mrekullisht (VIDEO)

Një aksident rrugor ka ndodhur pasditen e kësaj të dielë në Greqi, ku një makinë pune me 4 punëtorë shqiptarë është përplasur nga një tjetër automjet.

Sipas mediave greke, aksidenti ndodhi në rrugën Lamia - Moschochori, teksa 4 shqiptarët po ktheheshin nga puna, kur u goditën nga një makinë tip 'Skoda'.

Pavarësisht përpjekjes së shoferit shqiptar për të shmangur aksidentin, ata u përplasën duke përfunduar në kanal.  Tre nga shqiptarët arritën që të dilnin shpejt, ndërsa i katërti u bllokua brenda në makinë. Ai u shpëtua pas mbërritjes së zjarrfikëses në vendin e ngjarjes.

"Ishte vërtet një mrekulli që të gjithë dolën gjallë dhe të palënduar", tha një fermer i cili ishte dëshmitar i ngjarjes.

Policia helenë po heton për zbardhjen e rrethanave të aksidentit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti