POP 5

Lajmet më të lexuara të 5 minutave të fundit

Sociale

Skuadër me vullnetarë të rinj për Emergjencat Civile, 110 djem e vajza i përgjigjen ftesës së Mbrojtjes Civile

110 djem dhe vajza i janë përgjigjur ftesës për t’u bashkuar një grupimi të ri vullnetarësh që do të shërbejnë si ndihmës të mbrojtjes civile në zonën ku jetojnë, apo edhe në zona të tjera të vendit

Fakti që është vajzë nuk e ka ndaluar Klejsën, maturanten 17-vjeçare nga Përrenjasi t’i’ përgjigjet ftesës për t’u bashkuar me një grupim të ri të quajtur Skuadra Vullnetare e Reagimit të Shpejtë.

Përmes një trajnimi teorik dhe praktik ajo ka mësuar të ndihmojë ata që janë në vështirësi në raste zjarresh, tërmetesh, përmbytjesh duke plotësuar dëshirën e saj më të madhe.

“Kjo certifikata duket si gjë e vogël, por në fakt është diçka shumë e madhe për ne. Është një shtysë që të ndihmojmë njerëzit dhe na mbush edhe më shumë. Na jep një vlerësim më të madh.”- tha Klejsa Vasku, vullnetare.

Bashkë me Klejsën janë edhe 109 vullnetarë të tjerë të rinj që për një vit rresht së bashku me reparatet e emergjencave mësuan sesi veprohet në raste zjarri apo fatkeqësish.

“Ky është fundi I cili shënon fillimin e një gjeje shumë të rëndësishme në mbrojtjen civile shqiptare. Sot iu keni në dorë një certifikatë që dëshmon trajnimin aq sa ishte i mundur teorik e praktikë. Keni të varur në qafë një bexh që ju bën anëtar të një grupi që quhet Skuadra Vullnetare e Reagimit të Shpejtë.” - tha Mentor Kika, drejtor ekzekutiv i SVRSH.

Për drejtorin e Agjencisë Kombëtare të Mbrojtjes Civile Haki Çako këta të rinj vullnetarë mund të konsiderohen tashmë si partner të emergjencave civile.

“Por dhe bashkëpunëtorët më të rëndësishëm të gjithë këtij sistemi.” - tha Haki Çako, drejtor i Agjencisë Kombëtare e Mbrojtjes Civile

Drejtori ekzekutiv programit të skuadrës vullnetare të Reagimit të shpejtë, Mentor Kikia propozoi ndër të tjera që mbrojta e shpejtë për rastet e emergjencave duhet të futet edhe në programet mësimore si orë suplementare.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Zhdukja e 3-vjeçarit në Durrës, lihet në burg gjyshi dhe kunati i tij

Zhdukja e 3-vjeçarit në Durrës, lihet në burg gjyshi dhe kunati i tij

19 Prill, 14:51