Kryeministri i Sllovakisë, Robert Fico, tha se Bratisllava është e gatshme që t’i bashkohet propozimit të paraqitur nga Brazili dhe Kina për zgjidhjen e luftës në Ukrainë.
Fico u takua me presidentin kinez, Xi Jinping, më 1 nëntor në Pekin dhe pas takimit tha se qëndrimi i Kinës ndaj luftës në Ukrainë është “i drejtë, objektiv dhe konstruktiv”.
Kina dhe Brazili bashkërisht në gusht publikuan “konsensusin prej gjashtë pikave” që synon një zgjidhje afatgjate politike për luftën që Rusia e nisi kundër Ukrainës në shkurt të vitit 2022. Plani bën thirrje për uljen e intensitetit të luftimeve dhe njohjen se dialogu dhe negociatat janë rruga e vetme për t’i dhënë fund luftës.
Presidenti ukrainas, Volodymyr Zelensky, e ka quajtur propozimin “shkatërrues” dhe “kryesisht prorus”, pasi bënë thirrje për kompromis nga Ukraina dhe është krijuar pa marrë mendimin e Kievit.
Në shtator, në një intervistë për një media braziliane, ai e refuzoi atë, duke thënë se propozimi nuk ka të bëjë me drejtësi apo me vlera dhe i njëjti dështon të marrë parasysh qëndrimin e Ukrainës dhe çështjen e integritetit territorial.
Pavarësisht refuzimit të Zelenskyt, Fico tha se Sllovakia është e gatshme t’iu bashkohet shteteve të tjera që Kina ka thënë se e kanë pranuar pozitivisht propozimin “dhe të punojë me Kinën për të kontribuar në promovimin e një zgjidhjeje politike për krizën”, u tha në deklaratën e lëshuar nga Qeveria kineze.
Fico, që ka kritikuar politika të Bashkimit Evropian për Ukrainën dhe ka kundërshtuar sanksionet ndaj Rusisë, tha se Sllovakia “është shumë e interesuar për përpjekjet diplomatike të Kinës për konfliktin në Ukrainë dhe kemi shkëmbyer qëndrimet tona për këtë çështje thelbësore”.
Kina mund të luajë “rol vendimtar” sa i përket konfliktit në Ukrainë, tha ai përmes një postimi në Facebook.
Kina është kritikuar nga shtetet perëndimore për mbajtjen e raporteve miqësore me Rusinë dhe për ofrimin e pajisjeve me përdorim të dyfishtë, sikurse pajisjet elektronike që janë të nevojshme për prodhimin e armëve.
Pekini ka thënë se për planin që ka zhvilluar me Brazilin ka pasur “përgjigje pozitive” nga më shumë se 110 shtete.
Fico nisi vizitën në Pekin më 31 tetor dhe do të qëndrojë në Kinë deri më 5 nëntor.
Dy shtetet njoftuan më 1 nëntor se kanë nënshkruar një marrëveshje të partneritetit strategjik dhe qytetarëve sllovakë do t’iu mundësohet qëndrimi në Kinë, pa vizë, për 15 ditë./REL
Lajme të tjera
-
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36
