Në Shqipëri autoritetet hodhën poshtë pretendimet e gazetares britanike Alice Elisabeth Taylor se zyrtarët shqiptarët i anulluan përtëritjen e lejeve të qëndrimit për shkak të profesionit të saj dhe disa shkrimeve kritike ndaj qeverisë. Një burim zyrtar i tha Zërit të Amerikës se vonesat në vendimin për ripërtëritjen e lejes lidhen vetëm me procedurat dhe se në këtë rast, ka patur disa shkelje nga ana e shtetases britanike. Sipas ligjit, sqaron burimi, aplikimi duhet të bëhet 60 ditë përpara skadimit të afatit të lejes ekzistuese, e cila ishte e datës 27 Janar 2019.
Ndërkohë që “dosja me aplikimin për rinovim të lejes së qëndrimit është paraqitur më 1 Shkurt, pra jo vetëm në shkelje të afatit, por dhe përtej skadencës së lejes ekzistuese. Në një situatë të tillë, zonjës i ka lindur detyrimi të shlyejë një gjobë prej 20,000 Lekësh”, shpjegon burimi zyrtar, duke shtuar se “mos shlyerja e detyrimit të gjobës, pengon hedhjen në portalin e lejeve të qëndrimit, për të nisur shqyrtimin e mirëfilltë të dosjes. Sipas procedurave, pas hedhjes në portal, dosja shqyrtohet edhe nga autoritetet e sigurisë”.
Po ashtu, një tjetër shkelje, sipas autoriteteve shqiptare, rezulton të jetë dhe fakti se “aplikimi është paraqitur nga një person tjetër, dhe jo nga vetë e interesuara. Po ashtu, rinovimi për leje qëndrimi është kërkuar për shkak të bashkëjetesës me një shtetas shqiptar. Me këtë motiv ajo ka marrë dhe lejen e mëparshme”, ishte shpjegimi që u dha për Zërin e Amerikës, duke saktësuar se “në rastin aktual, bashkëjetuesi ka ndryshuar dhe procedura kërkon që jo vetëm ky fakt të dokumentohet, por dhe të nisë një procedurë e re jo thjesht rinovim”.
I njejti burim zyrtar saktësoi se “autoritetet po presin plotësimin e kushteve ligjore që mundësojnë lëshimin e një leje të re e që janë: Aplikimi personalisht nga personi i interesuar; Pagesa e gjobës për shkak të qëndrimit të paligjshëm në Republikën e Shqipërisë dhe Dokumentimi i arsyes së re të qëndrimit, që pretendohet të jetë një bashkëjetesë e re me një shtetas tjetër shqiptar. Me plotësimin e këtyre kushteve, autoritetet përgjegjëse bëjnë vlerësimin dhe marrin vendim. Kjo është praktika që ndiqet, për çdo shtetas të huaj, pavarësisht profesionit që ushtron”, saktwsuan autoritetet./ VOA
Komente
Lajme të tjera
-
Rama ndan Podkastin 'Po ku ka si ty o Shqipëria ime'! Fragmente 'pikante' nga intervistat me të ftuarit
6 Janar, 17:45 -
Edison Ypi: Qen i mrekullueshëm
3 Janar, 10:25
-
Gazetarja britanike në ‘podcast-in’ me Ramën: Më vjen turp nga retorika e Britanisë kundër shqiptarëve! Vendi ka ndryshuar, do rris vajzën këtu
15 Prill 2023, 08:57 -
‘Erdhe këtu takove djallin’, Rama publikon pjesë nga podkasti me Alice Taylor! Gazetarja britanike: Dua të plakem në Shqipëri
11 Prill 2023, 08:56 -
‘Si humba 24 kg në një kohë të shkurtër’ gazetarja zbulon 'sekretin' se si luftoi mbipeshën
20 Prill 2022, 13:00 -
'Faleminderit Rama', blogerja angleze vaksinohet me Sinovac në Shqipëri: Më në fund do takoj nënën time
9 Prill 2021, 17:15 -
Meta në Qendrën e Transfuzionit të Gjakut: Dhurimi nga të huajt, të cilët jetojnë në Shqipëri, akt human dhe shprehje e mirënjohjes ndaj mikpritjes shqiptare
22 Janar 2021, 11:09
Z. Karlo realisht po me nxirrni mallin e gazetarit te shquar italian Ermano Amiccuci i cili ne vitet 1943-1944 nuk guxonte te botonte nje rrjesht te Corriere della Sera pa lejen e Gruppenfyhrer-it Wolf apo te feldmarshallit Kesselring. Ju nuk botoni dot nje rrjesht te Shqiptarja.com pa lejen e Farinacci-t te kryeministrise, zonjushes Fuga! Mekat vertet mekat!
PërgjigjuPo sh.korrekt shteti,pse jo?!
PërgjigjuOooooi paskemi ligje . Bravo ja kemi kaluar EU
PërgjigjuDyshimi mbetet, sepse kjo përgjigje nuk iu dha me shkrim zonjës. Kështu zonja mund të shkonte në Gjykatën Administrative dhe të merrte të drejtën e saj. Çfarë thotë zyrtari i paemër, nuk është e thënë se është "ligji". Meqenëse në Shqipëri paskan kopjuar ligjin Bossi-Fini: https://www.meltingpot.org/Rinnovo-del-pds-Illegittimo-il-diniego-oltre-i-60-gg-dalla.html#.XIF8kSieFnI
PërgjigjuJane mesuar keta te huajt e duan cdo gje gati. Dhe pastaj thone nuk e japin se shkruaj kunder. Dhe kaq shpjegime paskemi dhene shume, te pyeten shqipot e shkrete qe len leshte te rinovojne letrat e nuk shkruajn gazetat angleze
PërgjigjuNga sa shkruhet në artikull, nuk shikoj asnjë shkelje nga autoritetet shqiptarë!
Përgjigju