Sondazhi trondit selinë PS
Berisha u thotë të mos votojnë

TIRANE- Gjithçka ka ndodhur shumë shpejt. Vetëm pak orë pasi shqiptarja.com shpalli sondazhin për kandidatët, me mijëra vota dhe me mijëra telefonata erdhen drejt redaksisë. Në fakt kishte ndodhur një fenomen: Kandidatët sapo kanë marrë vesh kandidimin në web u kanë thënë gjithë mbështetësve të tyre t’i votojnë, edhe pse s’janë shumë të dëshiruar. Kështu, më shumë vota kanë ardhur tek e majta ndryshe nga e djathta. Burimet thanë për Shqiptarja.com se vetë kreu i PD i ka dhënë urdhër administratës të mos përfshihet në histori. Por ndërkohë për PS kandidatët që e ndjejnë veten më të rrezikuar kanë vënë gjithë kapacitetet për ti votuar. Burimet thonë se vetë zyrtarët më të lartë të PS janë marrë personalisht me ëeb-in dhe votimet.

HISTORIA
Teksa ka hyrë dita e dytë e sondazhit online të “Shqiptarja.com”
ku u kërkon qytetarëve të tregojnë se cili do është kandidati i tyre i preferuar interesi ka arritur një moment të paparashikuar. Sondazhi u vendos në faqen online të Shqiptarja.com dy ditë më parë. Për 24 orë mori mbi 22 mijë votime dhe mbi 120 mijë klikime. Dje, deri në 22:00 dy kandidatët për kryeministër Berisha ka 251 vota ndërsa Rama 885 vota.

Në krye të votimit qëndron kreu i PS Rama, nënkryetari i grupit, Braçe dhe Kadeli. Ndërsa ka vota për prurjet e reja në PS, Celibashi, Sollaku, Muçmata. Shquhen Bazhdari, Spiropali, Malaj, Leskaj, Ruçi, Balla, Ahmetaj, Dalipi, Majko, Kodheli, Dalipi, Cani, Blushi, Klosi, Ruçi, Lutaj, Zogaj, Bizhga, Gjakolli, Ylli, Zela, Peza, Manja, Gjoni, Veliaj, Isaraj, Tahiri por Hysa e Kaja, etj. Ndërsa nga kandidatët e PD të preferuar janë Berisha, Topalli, Murrizi, A.Veliaj, Olldashi, Rusmali, Oerd Bylykbashi, T.Shehu, Selami etj. Braçe me 859 vota tha në fcb: “Votimi në Shqiptarja.com. Faleminderit të gjithë atyre që besojnë në atë që jam në atë që përfaqësoj si socialist, në Berat por dhe më shumë. Ju jam mirënjohës e në borxh për secilin”.

Shkrimi i publikua sot ne Shqiptarja.com
(sg/shqiptarja.com)