POP 5

Lajmet më të lexuara të 5 minutave të fundit

VIP & Spektakël

Soni Malaj: Kënga “Me
të jeton” më goditi që në fillim

Soni Malaj: Kënga “Me<br />të jeton” më goditi që në fillim
Këngëtarja Soni Malaj ka rrëmbyer trofeun e 11-të të “Top Fest” si këngëtarja më e mire femër! “Nuk e besoj që kam marrë cmimin e parë në këtë edicion të “Top Fest”. Jam mësuar të marr trofe të çmimeve të ndryshme, por emocionin që të fal çmimi i parë është shumë i bukur” ka shprehur Soni pas spektalit të mbajtur në Pallatin e Kongreseve. Më tej ajo ka rrëfyer dhe se si kjo këngë e ka goditur që në fillim dhe ishte pikërisht ai tingull që e bëri të rikthehej në “Top Fest”.

“Miku im i cili është agjent në Australi i tregon zërin tim një kompozitoreje australiane, Susie Ahern e cila u dashurua menjëherë më zërin tim ku më dërgoi gjashtë këngë. Në atë kohë isha në Romë, në shtëpinë tonë atje dhe shkova në një bar ku kishte shumë zhurmë dhe thashë kënga që do godas veshin tim atë do zgjedh”, theksoi Soni, rrëfyer emocionet e këtij trofeu.



Pas javësh të tëra prezantimi në ekranin e Top Channel dhe netëve gjysmëfinale, nata e madhe e ndarjes së çmimeve u zhvillua në një atmosferë jashtëzakonisht festive në Pallatin e Kongreseve, e cila u kurorëzua me ndarjen e 12 çmimeve në kategori të ndryshme. Nën prezantimin e Ledion Liços dhe Marina e Luana Vjollca në mbrëmjen finale të edicionit të 11-të të “Top Fest” u ngjitën në skenë artistë nga mbarë trevat shqiptare, të cilët performuan live në kategori të ndryshme.

Fituesja u përzgjodh me votat e jurisë së festivalit, bashkuar me votat që publiku dha pas një televotimi të hapur në minutat e fundit të finales Juria, e cila gjykoi 17 këngët që u ngjitën të dielën në natën finale, ishte e përbërë nga Shpëtim Saraçi, Dorian Gjoni, Eneida Tarifa, Petrit Sarkaxhi dhe Arbana Osmani.



Veç spektaklit dhe çmimeve, në këtë festival u kujtua përmes një homazhi këngëtarja e madhe shqiptare Vaçe Zela, e cila u nda këtë vit nga jeta. I gjithë publiku u çua në këmbë në nderim të artistes që i dha aq shumë muzikës shqiptare. Festivalit nuk i munguan as mesazhet sensibilizues që “Top Channel” ka nisur për një nga çështjet e ndjeshme të kohëve të fundit, siç janë vrasjet e femrave.

Shkrimi u botua në numrin e sotëm të gazetës "Shqiptarja.com, versioni print

Redaksia Online
(xh.k/shqiptarja.com)

1/2
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça