POP 5

Lajmet më të lexuara të 5 minutave të fundit

Sport

Sonte Paris SG-Barcelona, Enrique provokon hapur Xavin: S'e njoh për trajner, jam unë historia 'blaugrane'! Në Madrid Atletico-Dortmund

Dy supersfida të tjera spektakolare priten sonte në Champions League. Barcelona përballet me Paris SG në kryeqytetin francez, teksa para sfidës Luis Enrike ka provokuar jo pak Ksavin, ndërsa në Madrid Atletico sfidon Dortmundin.

Sonte Paris SG-Barcelona, Enrique provokon hapur Xavin: S'e njoh për trajner, jam unë historia 'blaugrane'! Në Madrid Atletico-Dortmund

Luis Enrique dhe Xavi Hernandes

Me qëllimin për të bërë befasinë, atehërë kur më pak pritet, Barcelona ka udhëtuar në kryeqytetin francez për t’u përballur në çerekfinalen e parë kundër Paris SG. Francezët janë favoritë jo vetëm sonte në orën 21:00, por edhe për të kaluar turin, ndërsa në prag të përballjes jo pak provokime kanë ardhur nga trajneri Luis Enrike, i cili ka thumbur Xavin e Barcelonës. Ai është shprehur ‘se e njeh atë si futbollist dhe jo si trajner’, ndërsa ka shtuar se ‘përfaqson më mirë vlerat e Barcelonës se sa Xavi’.

Ndërkohë Xavi ka qenë i përmbajtur dhe e ka cilësuar Enriquen si një nga trajnerët më të mirë në botë, ndërsa ka shtuar se pavarësisht se Paris SG është favorite, Barcelona synon gjysmëfinalen, duke qenë se mungon prej 4 vitesh. Te Barcelona vijojnë të mungojnë Gavi dhe Balde, ndërsa Paris SG nuk ka të disponueshëm Hakimin, ndërsa në dyshim është Barcola.

Po kaq interesante do jetë edhe përballja tjetër në çerekfinale mes Atletico Madrid dhe Dortmund. Spanjollët pasi eliminuan Interin duan ti rezervojnë të njëjtin fat gjermanëve dhe për këtë janë favoritë. Trajneri Simeone thotë se skuadra ka fituar besim dhe se me mbështetjen e tifozëve mund tia arrijnë qëllimit. Depay, Hermoso dhe Lemar vijojnë të dëmtuar te Atletico, ndërsa te Dortmund mungesa e madhe është holandezi Mallen.

Kjo çerekfinale pritet të zhvillohet në masa të rrepta sigurie, pasi policia spanjolle i druhet sulmeve terroriste pas kërcënimeve nga ISIS. E njëjta gjë ishte edhe me çerekfinalet e ditës së martë, por stadiumi i Atletico Madrid sipas autoriteteve paraqet rrezik më të lartë.

 

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Festuan Vitin e Ri/ Mbi 125 persona në urgjencën e Lezhës e Vlorë, shkak konsumimi i alkoolit dhe dëmtimi nga fishekzjarret

Festuan Vitin e Ri/ Mbi 125 persona në urgjencën e Lezhës e Vlorë, shkak konsumimi i alkoolit dhe dëmtimi nga fishekzjarret

1 Janar, 14:19 nga Armand Xhelili