POP 5

Lajmet më të lexuara të 5 minutave të fundit

Kultura

Drejt Punës

Sopranoja Nina Muho, një zë premtues në Teatrin e Operës dhe Baletit

Sopranoja e re Nina Muho rrëfen karrierën e saj artistike në Teatrin Kombëtar të Operës dhe Baletit. Artistja ndalet gjithashtu dhe tek koncerti i saj më i fundit, në teatrin “Verdi” në Itali.

E lindur dhe e rritur në qytetin bregdetar të Vlorës, sopranoja e re Nina Muho është sot një nga zërat më premtues të Teatrit Kombëtar të Operës dhe Baletit. Pasioni dhe dëshira e madhe që ajo ka për muzikën klasike ka bërë që artistja të jetë jo vetëm fituese e konkurseve ndërkombëtarë, por në këtë periudhë të vështirë pandemie të përfaqësojë denjësisht skenën tonë operistike jashtë vendit, në Teatrin “Giuseppe Verdi” në Itali.

“Ka qenë një vit shumë i vështirë, por pjesëmarrja në koncertin e fundvitit në teatrin “Verdi” ka qenë një moment shumë emocionues për mua”, thotë sopranoja Nina Muho.

Roli i Violetës në operën “La Traviata” të G.Verdit ka qenë një ogur i mirë për të interpretuar dhe të tjerë role të rëndësishëm, por ëndrrat e Ninës s’kanë të ndalur

“Rolet e rëndësishëm vijnë në bazë të moshës edhe të eksperiencës, edhe normalisht që edhe unë e shoh veten duke luajtur role të tjerë në të ardhmen në skenë”, tregon Nina.

Ndonëse, provat në Teatrin e Operës për shfaqje online s’kanë të ndalur, Nina shprehet optimiste për të ardhmen

“Është shumë e rëndësishme, që të mos ndalim së shpresuari, pasi e gjithë kjo situatë do të përfundojë një ditë edhe ne do të rikthehemi sërish pranë publikut”, përfundon Nina.

Koncerti më i fundit, që Nina Muho  është prezantuar është “Artistët e së ardhmes” në Teatrin Kombëtar të Operës dhe Baletit. 

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46