Soreca dorëzon Raportin e vitit 2023 për Shqipërinë, ambasadori: Ka vështirësi, por janë të kapërcyeshme! Nikolla: Do analizojmë shqetësimet e KE

Soreca dorëzon Raportin e vitit 2023 për Shqipërinë, ambasadori: Ka vështirësi, por janë të kapërcyeshme! Nikolla: Do analizojmë shqetësimet e KE

Lindita Nikolla dhe Luigi Soreca

Ambasadori i BE, z. Luigi Soreca, i dorëzoi sot Kryetares së Kuvendit, znj. Lindita Nikolla Raportin e KE të vitit 2023 për Shqipërinë.
 
Ambasadori Soreca u shpreh se ky është një Raport shumë i mirë, për arritjet dhe sfidat duke shtuar se ka probleme dhe vështirësi të cilat janë të kapërcyeshme. 

"Të gjithë duhet të jemi krenarë për punën e dymbëdhjetë muajve të fundit dhe që Shqipëria i përmbushi me sukses detyrat e procesit screening. Ka vërtetë probleme e vështirësi, por ato janë të kapërcyeshme. Të gjithë duhet të punojmë që ky momentum të mos humbasë dhe integrimi evropian të mbahet në krye të agjendës kombëtare. Integrimi është përmbi interesat politike e partiake dhe mbështetja popullore, më e madhe se në çdo vend të rajonit, është një frymëzim dhe një detyrim për të gjithë. Avancimi i reformave, sidomos reformës në drejtësi, po jep rezultate të dukshme dhe po kontribuon në rritjen e shpëjtësisë së integrimit evropian"- tha Soreca. 

Kryetarja Nikolla falenderoi Ambasadorin Soreca për Raportin dhe vlerësimet dhe nënvizoi se Kuvendi dhe institucionet e Shqipërisë do të analizojnë me kujdes të gjitha shqetësimet dhe rekomandimet e Raportit.

"Kuvendin, Komisionin për Çështjet Evropiane dhe Këshillin Kombëtar të Integrimit Evropian i pret një punë e madhe dhe detyra konkrete. Do të fillojmë menjëherë nga puna për hartimin e Planit të Veprimit, me masa e detyra konkrete, me afate të përcaktuara, për të adresuar rekomandimet. Do të monitorojmë me kujdes zbatimin e rekomandimeve të Raportit, në seanca dëgjimore me institucionet dhe shoqërinë civile. Kuvendi do të vijojë të monitorojë Qeverinë dhe institucionet e pavarura në adresimin e rekomandimeve të Raportit"- u shpreh Nikolla. 

Progres-raporti i KE u publikua 2 ditë më parë, ku theksohej se vendi po përparon me negociatat dhe se reforma në drejtësi po jep frytet e pritshme. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Kandidon përballë dy shqiptarëve/ Kush është deputetja e VMRO DPMNE-së që kërkon postin e presidentit në Maqedoninë e Veriut?

Kandidon përballë dy shqiptarëve/ Kush është deputetja e VMRO DPMNE-së që kërkon postin e presidentit në Maqedoninë e Veriut?