POP 5

Lajmet më të lexuara të 5 minutave të fundit

Politikë

Soreca: Garantoni votën e emigrantëve! Celibashi: Dështon nëse s'ka konsensus! Opozita: Mundësitë janë

Një konferencë afro 5-orëshe nuk konkludoi një përgjigje të saktë nëse në zgjedhjet e ardhshme parlamentare do të mundësohet vota e emigrantëve. Ajo për të cilët të gjitha palët ranë dakord ishte se emigrantët duhet të votojnë, por për një gjë të tillë duhet konsensus.

Shqiptarët që jetojnë jashtë vendit, nuk e kanë ende një përgjigje nëse në do të votojnë në zgjedhjet parlamentare të vitit 2025. Në konkluzionet e konferencës “Votimi nga jashtë vendit - rruga përpara”, kryekomisioneri shtetëror i zgjedhjeve Ilirjan Celibashi tha se vota e diasporës po shkon drejt dështimit, nëse nuk do të arrihet në një konsensus politik.

“Pa konsensus, e kemi vënë në dështim votimin nga jashtë. Konsensusi në gjykimin tim është domosdoshmëri. Do të kemi votim nga jashtë në 2025 nëse do të kemi rregullat për ta organizuar këtë votim. si përgatitet lista, si do të duhet të kenë ata që të përshihen në listën si do të votojnë? si do të llogaritet vota e tyre dhe si do përkthehet në mandate. Këto rregulla mungojnë. pashë dallime edhe nëpërmjet vetë përfaqësuesve të Kuvendit”, tha Celibashi.  

Për Oerd Bylykbashin, mundësia teknike është, por thjesht duhet vendosur nëse do të ndërmerren të gjithë hapat për votën e diasporës.

“Zgjidhjet teknike janë, ne duhet të ndajmë mendjen, duhet ta synojmë, për 2025 apo jo? Nëse nuk bëjmë veprime konkrete nuk arrijmë gjë”, tha Bylykbashi.

Më herët ishte ambasadori i BE Luigi Soreca ai që kërkoi sot garantimin e votës së emigrantëve, pavarësisht sfidave dhe problemeve që sjell ky proces.

“Do të duhet të ofrojë garanci të konsiderueshme të integritetit zgjedhor, si psh. fshehtësinë e votës, garën e drejtë, përfaqësimin e drejtë. Kur të krijohet ky sistem i ri, ne besojmë që është i një rëndësie shumë të madhe që procesi të jetë i gjerë sa i përket konsultimit dhe të kërkohet konsensusi i të gjithë aktorëve të përfshirë”, u shpreh Soreca.

Bashkëkryetari i Komisionit për Reformën Zgjedhore deklaroi gjatë konferencës se është pro votimit me postë dhe se e mbështet fuqimisht votën e diasporës.

 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29