POP 5

Lajmet më të lexuara të 5 minutave të fundit

'Sot do shembet Tirana', në hetim protestuesi i opozitës që publikoi foto me armë

Policia e Lezhës ka vënë në hetim një person i cili ka bërë thirrje për dhunë në protestën që opozita mbajti dje para kryeministrisë. Gj.D 50 vjeç ka publikuar foto me armë në rrjetet sociale, aty ku bën thirrje për veprime të dhunshme për protestën.

Specialistët e Seksionit për hetimin dhe parandalimin e krimeve në Komisariatin e Policisë Lezhë, proceduan penalisht shtetasin Gj.D. 50 vjeç, banues në Lezhë për veprën penale " Thirrje për veprime të dhunshme".

Ai ka postuar foto armësh e municionesh duke i shoqëruar me thirrje publike për veprime të dhunshme.

Postimi i qytetarit në Facebook

"Sot do të shembet Tirana e skamjes, do largojmë kancerin Rama. Në shesh do zbarojnë plot 500 mijë protestues", shkruan ai në Facebook teksa poston foto arme.

Policia e Lezhës thotë se materialet procedurale u referuan Prokurorisë pranë Gjykatës Shkallës Parë Lezhë për veprime mëtejshme.

 

G.M./b.ha.
Komento