POP 5

Lajmet më të lexuara të 5 minutave të fundit

Sport

Sot emocionet më të larta që fal futbollit, në 21:00 super sfida e çerekfinaleve Belgjikë-Itali! Belgët, 'lojë' me Hazard dhe De Bruyne! Mancini: Dua të jenë në fushë

Në mbrëmje luhet Belgjikë-Itali super sfida e çerekfinaleve të Euro 2020. Mancini zgjedh Kiezën e Kielinin titullar ndërsa tek belgët për futbollistët e dëmtuar Hazard dhe De Bryjne do vendoset në momentet e fundit. Në lojë është më shumë se bileta për në gjysmëfinalet e europianit.

Në lojë është më shumë se një biletë për në gjysmëfinalet e Euro 2020. Në mbrëmje duke nisur nga ora 21:00 në Mynih të Gjermanisë luhet Belgjikë-Itali super përballja që rezervojnë çerekfinalet e turneut. Sfidohen dy nga skuadrat favorite dhe dy nga ekipet që dinë vetëm të fitojnë në këtë Europin me nga 4 fitore secila. Italia me 31 ndeshje pa humbje sfidon Belgjikën e Lukakut që prej 3 vitesh është numri një në renditjen e FIFA-s dhe ka 14 ndeshje radhazi që njeh vetëm fitore. Roberto Mancini për këtë ndeshje do të bëjë vetëm dy ndërrime në formacion dhe të tjerët janë po ata që mundën Austrinë. Chiesa autori i golit të parë ndaj Austrisë do luajë në treshen e sulmit në vend të Berardit dhe në mbrojtje rikthehet kapiteni Chiellini që së bashku me Bonuccin do të kërkojnë të frenojnë Lukakun. Në konferencë Mancini e ka cilësuar Belgjikën si skuadrën më të mirë në botë së bashku me Francën dhe ka sqaruar se nuk ka dyshime për formacionin:” Dua që në fushë të jenë Hazard e De Bruyne dhe ne do bëjmë lojën tonë” e mbyll tekniku i rekordeve me të kaltërit.

Belgjika që nuk ka fituar asnjë trofe të madh mendon se kjo është hera e duhur. Enigma më e madhe ka të bëjë me gjendjen e dy futbollistëve Eden Hazard e Kevin De Bruyne. Në kampin e “djajve të kuq” e kanë lënë enigmë praninë e tyre në fushë dhe trajneri Roberto Martinez thotë se kjo nuk është një taktikë por do jenë mjëkët ata që do të vendosin megjithëse shanset janë të pakta. Përveç dilemës për Hazard e De Bruyne pjesa tjetër e formacionit është e përcaktuar. Nëse dy yjet e skuadrës nuk ia dalin në mbështetje të Lukakut do jenë Mertens e Carrasco. Në stadium për Belgjikë-Itali pritet të jenë rreth 15 mijë tifozë ndërsa drejtësi do vendosë slloveni Vincic. Spektakli është i garantuar.

 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça