Mbrëmë Gerti Bogdani ishte në një studio televizive. Sot në mëngjes në kafe me shokët e tij. Nesër, miqtë dhe të njohurit do t’i japin lamtumirën e fundit. Ishte 44 vjeç.
Të njohur, por edhe të panjohur, miq dhe kundërshtarë politikë shprehën keqardhjen për ndarjen e beftë nga jeta.
Ndërrimi i jetës së Gerti Bogdani na kujton papërsosmërinë dhe përkohshmërinë e jetës. Ndërsa rrekemi në rrugën tonë, shpesh të kapur nga rutina e përditshme, arresti kardiak i Bogdanit përveç shokimit ngre pyetjen e vjetër sa bota: Çfarë kuptimi ka jeta kur është kaq e shkurtër? A ja vlen gjithë ky mundim, tension, stres, për të arritur “objektivat” që i ke vënë vetes?
Gerti Bogdani ishte një njeri i angazhuar, një personalitet publik që nisi një karrierë të pasur në politikë në moshë shumë të re. I arsimuar në SHBA, drejtues në pushtetin lokal, drejtues i Forumit Rinor ne PD, e deri te karriera si një deputet i respektuar, ai duket se e kishte gjetur kuptimin e jetës tek shërbimi publik.
Por, ndarja e parakohshme e Gertit tregon se pavarësisht sa shumë përpiqemi, asnjëri prej nesh nuk ka kontroll mbi kohën që i është dhënë. Hebrenjtë thonë se nëse do ta bësh Zotin të qeshë, tregoji se çfarë planesh ke për të ardhmen.
Bogdani, një i ri që e hasje gjithmonë me buzën në gaz, dukej se ditët më të mira i kishte përpara. Por ndarja e beftë na kujton që jeta nuk varet vetëm nga planet dhe ambiciet tona.
Ikja e parakohshme e Bogdanit, përtej dhimbjes së madhe për familjarët dhe miqtë, është një zile alarmi për këdo, e veçanërisht për njerëzit e angazhuar në sherbimin publik.
Ky moment na kujton një të vërtetë universale, të pranuar në librat e shenjte si në Kuran ashtu edhe në Bibël.
“Pasha kohën! Me të vërtetë njeriu është në humbje, përveç atyre që besojnë dhe bëjnë vepra të mira, dhe që këshillojnë njëri-tjetrin për të vërtetën dhe për durimin (Kuran, 103:1-3).
Në Bibël, Predikuesi 3:1-2 thotë:
“Gjithçka ka kohën e vet dhe çdo gjë nën qiell ka momentin e vet. Ka kohë për të lindur dhe kohë për të vdekur, kohë për të mbjellë dhe kohë për të korrur.”
Kuptimi i jetës është një nga pyetjet më të vjetra dhe më të thella që njerëzimi ka shtruar ndër shekuj.
Shkrimet e shenjta, kuptimin e jetës e shtrijnë përtej objektivave materiale!
Kuptimi i jetës është një nga pyetjet më të vjetra dhe më të thella që njerëzimi ka shtruar ndër shekuj. Greket e lashtë e shoshiten gjatë pyetjen dhe arriten në përgjigjen: “kërko lumturinë”
Mësimi nga shkrimet e shenjta dhe urtësitë e lashta është i qartë: kuptimi i jetës nuk është thjesht ajo që duam/arrijmë, por tek fjala e mire, mirësia dhe emri i mirë që lëmë pas.
Gerti Bogdani do të mbahet mend si njeriu që asnjeherë nuk foli një “fjalë të keqe”
Një frymë larg e ka njeriu vdekjen, por harron…
Komente
Lajme të tjera
-
Lutfi Dervishi: Burg, burg, burg....
2 Nëntor, 13:39
-
Lutfi Dervishi: Meta dhe epilogu i një karriere të mbushur me kontradikta
22 Tetor, 07:55
-
Lutfi Dervishi: Rezistencë civile apo partiake?
7 Tetor, 22:20
-
Vatikani i Tiranës
21 Shtator, 18:49
-
Kuvendi, 1 minutë heshtje në nderim të ish-deputetit Gerti Bogdani
19 Shtator, 17:10 -
“Nuk jam mirë” - Miku i Gerti Bogdanit ndan mesazhin e fundit me ish-deputetin
19 Shtator, 12:09 -
Ndarja nga jeta e Gert Bogdanit/ Alimehmeti: Iku një djalë fisnik, pinjoll i një familje të madhe! Nesturi: Imazhi i tij bënte ndryshim! Çaça: Ishte mik me të gjithë
18 Shtator, 22:09 -
Lutfi Dervishi: Skënderbeu, Ismail Beu dhe Edibeu
1 Shtator, 09:14
-
Lutfi Dervishi: Pse gjykatësit nuk dënojnë dhunën ndaj Avokatit?
1 Qershor, 19:33
-
Lutfi Dervishi: TV si TikTOK
13 Maj, 11:50
-
Rikthimi i VMRO-së/ Galdini në 'Studio Live': Kurti i bëri llogaritë gabim! Bogdani: Përçarja e shqiptarëve i bën të dobët
10 Maj, 17:43 -
Lutfi Dervishi: Kronikë e një arrestimi të paralajmëruar
1 Maj, 12:04
E vertete sa bukur ky shkrim vertet s'duhet enderuar per asgje duet jetuar jeta sot për sot neser eshtr vone
PërgjigjuNgushëllime të sinqerta familjarëve të Gerti. Zoti ju dhëntë forcë për t'a përballuar këtë dhimbje shumë të madhe . Qoftë në kujtesën e Zotit. Të Rroni e t'a kujtoni ju të afërm,miq ,kolegë e tjer që e kanë dashur me zemër.
PërgjigjuKuptimi i jetës jepet plotësisht i qartë në një varg tjetër, po në librin Biblik që keni cituar, Bibla, Predikuesi 12:13 thotë: Të dëgjojmë, pra, përfundimin e gjithë ligjëratës: "Ki frikë nga Perëndia dhe respekto urdhërimet e tij, sepse kjo është tërësia e njeriut".
PërgjigjuShume e vertete! Veç vetive te respektuara si njeri dhe intelektual, Opozitari Gerti nuk tha asnjehere nje fjale te keqe, asnje sharje per kundershtaret politike te tij! Pushofte ne paqe!
PërgjigjuGoxha djalë, i paqtë që ikën në moshë të re. A kontrollojnë shëndetin, a bëjnë analiza të rinjtë, se sëmundja nuk vjen menjëherë.
Zoti ben te vuaj dhe i mer te miret , ndersa te ligun e le te beje llap llap gjithe diten .