VLORË- Është hapur Bypass-i i Vlorës. Kryeministri Edi Rama, ministrja e Infrastrukturës dhe Transportit, Belinda Balluku, ministri Damian Gjiknuri si dhe drejtori i Policisë së Shtetit Ardi Veliu ishin të pranishëm në hapjen e këtij aksi rrugor, që synon të lehtësojë ndjeshëm qarkullimin e automjeteve dhe të ulë trafikun përgjatë sezonit turistik.

Përfundimi i punimeve dhe bërja e aksesueshme e aksit do të ul trafikun e rënduar që krijohet gjatë sezonit veror. Tashmë të gjithë pushuesit që kanë zgjedhur jugun këtë sezon do të kalojnë nga Baypass i ri.

Ministrja Belinda Balluku tha se në këtë rrugë do të ketë përqendrim të madh të Policisë Rrugore, si dhe do të monitorohet e gjitha me radar. Ministrja tha se rruga mund të përshkohet për 20 minuta. Ndërkohë që kryeministri Edi Rama, tha se ky është një lajm i shumë pritur dhe se rruga do të kalohet më një lehtshmëri shumë të madhe. Rama theksoi se ky udhëtim fut në klimën e pushimit çdo vizitor për shkak të pamjes panoramike.

Kjo vepër infrastrukturore me një gjatësi 29 kilometra nis në fundin jugor të autostradës Levan-Vlorë dhe përfundon në lindje të Orikumit ku bashkohet me rrugën nacionale Orikum-Sarandë. Në projekti janë parashikuar ndërtimi i 5 ura, një gjysmë tunel si dhe ndërtimi i mbrojtjes lumore të lumit Dukat. Rruga e re vlerësohet si një ndër segmentet me impaktin më të lartë turistik që do të ndikojë ndjeshëm në lehtësimin e trafikut në qytetin e Vlorës.

 

Rendit zhvillimet sipas orarit:
Ora 21:00
Hapet bypass-i i Vlorës, Balluku: Do të monitorohet me radarë, përshkohet për 20 minuta! Rama: Lajm i shumë pritur, pamja panoramike fut në klimën e pushimit çdo vizitor

Ministrja e Transportit dhe Insfrastrukturës, Belinda Balluku tha se Bypass i Vlorës do të monitorohet me radarë dhe se do të ketë shumë forca policia që do të kryejnë kontrolle përgjatë rrugës. Ministrja tha se e gjithë rruga e cila është 30 km, përshkohet për jo më shumë se 20 minuta dhe se ka një pamje mjaft panoramike.

‘Janë vendosur të gjitha tabelat që tregojën limitet e shpejtësisë. Kemi kërkuar forca të shtuara nga policia rrugore për të pasur nën kontroll pikat ku ka rrezik aksidentesh. Bypassi do të monitorohet i gjithi me radar. Pikat e kantierëve ku punohet nuk do të ketë asnjë ndalesë dhe puna do të vazhdojë. Gjithçka shkon sipas skedulës. Nga hyrja e Vlorës në këtë segment, nuk do jetë e nevojshme të kalojmë më në Radhimë apo në Vlorë, por do të hymë në rreth rrotullimin e Orikumit. Brenda këtij viti e kemi të mbaruar komplet. Kemi rreth 30 km dhe i kemi përshkruar sipas tabelave, nuk shkon më shumë se 20 minuta. Ka një pamje panoramike.’- tha Balluku.

Kryeministri Edi Rama tha se hapja e bypass-it është një lajm i shumë pritur dhe se krijon një mundësi komplet ndryshe që të kalohet me lehtshmëri. Rama tha se ky udhëtim panoramik fut në klimën e pushimit çdo vizitor.

‘Lajmi i shumë pritur prej vitesh. Ka një mundësi komplet ndryshe nga çka qenë pasi kalohet me një lehtshmëri të madhe. Ky udhëtim panoramik që fut në klimën e pushimit çdo vizitor. Koha është shfrytëzuar në mënyrë shembullore.’- tha Rama.

M.Q./Shqiptarja.com