Sot partitë politike zyrtarisht
në fushatë deri në 21 qersho

TIRANE - Fushata elektorale për zgjedhjet e përgjithshme të 23 qershorit nis zyrtarisht sot, sipas rregullave ligjorë të përcaktuar në Kodin Zgjedhor. Kodi elektoral i njeh të drejtën çdo subjekti zgjedhor që të bëjë propagandë zgjedhore në mënyrë të ligjshme, si takime, tubime, postera publikë, ndërkohë që ajo është e ndaluar të zhvillohet në institucione publike.
ra
"Çdo afishim i materialeve propagandistike jashtë vendeve publike të autorizuara sjell heqjen e tyre nga organet e zbatimit të ligjit, në varësi të njësisë qeverisjes vendore", thuhet në Kodin Zgjedhor.

Gjatë fushatës zgjedhore, televizioni publik vë minutazh falas në dispozicion të partive politike të regjistruara në KQZ. Sipas vendimit të KQZ, partitë që në zgjedhjet e vitit 2009 kanë fituar më shumë se 20% të vendeve në Kuvend përfitojnë kohë të barabartë, në 30 ditët e fushatës, e cila përllogaritet me rreth 60 minuta.

Ndërsa partitë e tjera parlamentare që kanë marrë nën 20% të vendeve në Kuvend kanë kohë të barabartë, 30 minuta, ndërsa për partitë jashtë parlamentit koha e vënë në dispozicion është 10 minuta.

Shkrimi u botua sot në gazetën shqiptarja.com (print) 25.05.2013

Redaksia Online
(b.m/shqiptarja.com)

TAG:
• kqz