Sot u zhvillua raundi i balotazhit për zgjedhjet parlamentare në Francë.
Presidenti francez i saporizgjedhur, Emmanuel Macron me kampin politik të qendrës, "Ensemble" ka humbur shumicën absolute në Asamblenë Kombëtare franceze, sipas llogaritjeve të para, madje më shumë se pritej. Në raundin e fundit të zgjedhjeve parlamentare të dielën (19.06) liberalët arritën 210 deri 250 vende nga 577. Për shumicën absolute nevojiten 289 vende. Zëdhënësi i qeverisë franceze, i pyetur, se si do t'ia bëjë qeveria pa shumicën absolute në parlament është shprehur, se ne do të punojmë me të gjitha partitë e moderuara që duan ta çojnë vendin përpara.
Aleanca e majtë ia doli të mobilizonte votuesit
Rezultati konsiderohet si një goditje e rëndë politike për Macron, i cili aktualisht kishte shumicën absolute në Dhomën e Ulët të parlamentit. Normalisht zgjedhjet që mbahen pak pas zgjedhjeve presidenciale shihen si konfirmim, pasi fuqia kryesore politike normalisht fiton edhe shumicën absolute.
Aleanca e majtë e Jean-Luc Mélenchon, Nupes, arriti sukses në këto zgjedhje duke u kthyer në grupin më të fuqishëm opozitar në vend. Aleanca e majtë do të jetë e përfaqësuar në parlament me 150 deri në 180 vende.
Po ashtu edhe e djathta ekstreme e Marine Le Pen, "Rassemblent National" arrin sukses të madh në raundin e dytë zgjedhor duke pritur të marrë 80 deri në 100 vende në parlamente, 10 herë më shumë se deri më tani dhe bëhet forca e tretë më e fortë në parlament.
Humbje të rëndë zgjedhore pësoi edhe grupi opozitar më i fuqishëm deri tani në parlament, republikanët konservatorë. Ata arritën të marrin vetëm në 60 deri në 80 vende. Megjithatë qeveria e Macron në kërkimin e saj për mbështetje në parlament, me gjasë mund të orientohet më shumë nga republikanët.
Në këto zgjedhje parlamentare bëhej fjalë, nëse Macron do mund të realizonte projektet e tij politike në mandatin e dytë, për të cilat ai ka nevojë për shumicën absolute parlamentare. Me një shumicë relative, presidenti dhe qeveria janë të detyruar të kërkojnë mbështetjen e kampeve të tjera. Edhe pse shumë francezë ishin të pakënaqur me mandatin e parë të qeverisjes së Macron, 44-vjeçar përfitoi nga ajo që zgjedhjet parlamentare shpesh shihen si konfirmim i zgjedhjeve presidenciale. Në zgjedhje marrin pjesë tradicionalisht përkrahësit e fituesit të zgjedhjeve presidenciale. Por aleanca e majtë ia doli të mobilizonte votuesit.
Në zgjedhjet vendimtare për parlamentin u shënua një pjesëmarrje më e lartë zgjedhore se në raundin e parë. Disa qendra zgjedhore qëndruan të hapura deri në orën 08:00 në mbrëmje./DW
Presidenti francez Emmanuel Macron parashikohet të humbasë shumicën e tij të plotë në Asamblenë Kombëtare.
Koalicioni i tij i qendrës Ansambël është në rrugën për të fituar zgjedhjet parlamentare, sipas rezultateve të parashikuara, por ai do të humbasë dhjetëra vende dhe do të luftojë për të shtyrë reformat e tij.
Një aleancë e majtë-gjelbër parashikohet të vijë e dyta, por edhe partia e ekstremit të djathtë të Marine Le Pen ka bërë përparim
Aleanca e tij ishte vendosur të fitonte shumicën e vendeve, por nuk arriti një shumicë të përgjithshme që do t'i jepte atij mandatin për të zbatuar premtimet e tij të fushatës, të cilat përfshijnë uljen e taksave, rritjen e moshës së pensionit të Francës nga 62 në 65 dhe rritjen e integrimit në Bashkimin Evropian.
Aleanca e Macron u kundërshtua nga një koalicion i njohur si Unioni i Ri Ekologjik dhe Social Popullor (NUPES) dhe i udhëhequr nga 70-vjeçari Jean-Luce Melenchon.
Njerëzit në të gjithë Francën shkuan në qendrat e votimit këtë të dielë për raundin përfundimtar të votave për të vendosur 577 anëtarët e asamblesë, e cila është dhoma e ulët e parlamentit dhe është çelësi për votimin e ligjeve.
Macronit i duheshin të paktën 289 vende për një shumicë absolute.
Një projeksion tregoi se ai do të fitonte 224 vende. Një tjetër projeksion e vendosi totalin e tij në 210-250.
Rezultati do të thotë Macron tani mund të zhytet në një seri negociatash të stërzgjatura mbi politikën e brendshme në një kohë kur lufta në Ukrainë ka vënë në qendër të vëmendjes shqetësimet e huaja.
Koalicioni i tij mund të kërkojë një aleancë me konservatorët ose të drejtojë një qeveri të pakicës që do të duhet të negociojë ligjet rast pas rasti.
Në votimin e parë të javës së kaluar, opozita e krahut të majtë bëri një paraqitje çuditërisht të fortë, duke shkaktuar shqetësime te aleatët e Macron.
Lajme të tjera
-
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
VIDEO/ Tension në Paris, përplasje mes tifozëve të Francës dhe Izraelit
15 Nëntor, 08:59 -
Francë/ Prokuroria në Paris kërkon dënimin me 5 vjet burg dhe 300 mijë euro gjobë për Marine Le Pen
14 Nëntor, 14:23 -
Liga e Kombeve/ Parisi 'blindohet' me 4 mijë policë, luhet Francë - Izrael! Në stadium dhe Macron, sot edhe Italia e Anglia
14 Nëntor, 10:05 -
Mickoski shprehet optimist për integrimin evropian pas takimit me Macronin
8 Nëntor, 22:33 -
Francë/ Përleshje në metro, 4 të rinj plagosen me sëpatë
4 Nëntor, 14:21 -
Rodri fiton ‘Topin e Artë’ 2024! Real Madrid bojkoton ceremoninë dhe akuzon për komplot, Ancelotti ‘Trajneri i vitit’! Yamal e ardhmja
29 Tetor, 08:04 -
Vinicius Junior favorit, të hënën zhvillohet ceremonia e 'Topit të Artë' në Paris
27 Tetor, 22:04 -
Francë/ Deputeti i të majtës ekstreme kapet duke blerë drogë në rrugë
22 Tetor, 19:08 -
Franca premton mbështetje për planin e Ukrainës për t’i dhënë fund pushtimit rus
19 Tetor, 15:13 -
Vizita e Presidentit Biden në Gjermani, bisedime për Lindjen e Mesme dhe Ukrainën
18 Tetor, 21:48
