POP 5

Lajmet më të lexuara të 5 minutave të fundit

Politikë

Kriza politike/ Rama 100 minuta takim me zyrtarin e lartë të SHBA-së: Gjetëm dakordësi të plotë

 Pas përpjekjeve pa rezultat të europianëve, në lojë futet diplomacia amerikane, e cila zbarkon në Shqipëri në një kohë që opozita ka djegur mandatet dhe ka nisur protestat e pandalshme, ndërsa mazhoranca po përgatitet për zgjedhje.

Situata kritike politike në Shqipëri pritet që të marrë një kthesë të re me vizitën e zv/ndihmës Sekretarit Amerikan të Shtetit, Matthew Palmer sot në Tiranë, në kuadër të një turi ballkanik. Palmer mbërriti në Tiranë pasdite, ndërsa serinë e takimeve e nisi me kryeministrin Edi Rama në orën 16:00.

Biseda e kreut të qeverisë me zyrtarin amerikan zgjati 100 minuta, ndërsa të pranishëm ishin edhe disa nga ministrat e kabinetit dhe e ngarkuara me punë e SHBA-së në Tiranë. Pas takimit, kryeministri Rama përmes një postimi në Twitter tha se ka gjetur dakordësi të plotë me Matthew Palmer, por pa dhënë detaje konkrete.

'Marrëdhëniet e shkëlqyera bilaterale, integrimi europian i Shqipërisë, dialogu Kosovë-Serbi dhe situata politike në vend, në një bashkëbisedim të frytshëm që na gjeti në dakordësi të plotë me zv/Ndihmës Sekretarin e Shtetit, Mathew Palmer".

Pas takimit me Ramën, nesër Palmer pritet të takohet me Presidentin Ilir Meta. Në të njëjtën ditë, Palmer do zhvillojë një bisedë me kryetarin e Partisë Demokratike, Lulzim Basha dhe kryetaren e LSI-së Monika Kryemadhi. Pas takimeve me zyrtarët e lartë, mësohet se Mattheë Palmer do të ketë një takim edhe me një grup gazetarësh shqiptarë.

Vizitës së Palmer i parapriu vizita e zyrtarit të Departamentit Amerikan të Shtetit, Jonanathan Moore, i cili zhvilloi disa takime, ndërsa u bë publike për mediat vetëm takimi i deputetes të partisë Demokratike, Rudina Hajdari dhe ish kryeministrit Sali Berisha.

Ndikimi i Matthew Palmer u duk që në fillimet e krizës. Një ditë para se deputetët e opozitës të linin mandatet, Palmer zhvilloi dy biseda telefonike me liderët e opozitës Bashën dhe Kryemadhin, ndërsa pas komunikimit me zyrtarin amerikan, edhe pse opozita nuk u tërhoq nga akti ekstrem, protesta e saj rezultoi e qetë dhe pa akte dhune, ndryshe nga ajo e 16 shkurtit.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mala: 09/04/2019 10:11

    E verteta dhe e drejeta, eshte madheshtore per cdo politike dhe sistem demokratik shteteror kudo e kurdo.

    Përgjigju
  • Toni: 08/04/2019 17:44

    Ca esht AIiii lesho qe takon ate Amerikan, ku vete me ato floget si pederast. Ku i gjen keta BARBONA Ky DROGAXHIU

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Neymar do të bëhet baba për herë të katërt (VIDEO)

Neymar do të bëhet baba për herë të katërt (VIDEO)

26 Dhjetor, 18:21