Liderët e botës u mblodhën sot në qytetin Sharm el-Sheikh të Egjiptit, ku firmosën Marrëveshjen e Paqes për Gazën.

Juristi Kreshnik Spahiu, i ftuar në emisionin ‘5 pyetjet nga Babaramo’ në Report Tv, tha se marrëveshja e Trump për paqen në Gaza është e ngjashme me ‘Rambujen’ për Kosovën.

Spahiu foli edhe për sfidat që mund të përballet Palestina për ndërtimin e një shteti të pavarur. Ai tha se një komb i copëzuar nuk mund të formojë një shtet.

‘Elementi për krijimin e një shteti të ri nuk është numri i popullsisë. Elementi i parë në disfavor është territori që s’do të jetë kompakt. Nëse një territor por i parcelizuar mund të krijojë shtetin e vet, sepse elementi tjetër është garancit që duhet të jap shteti i ri për të mos cenuar shtetet e tjera fqinje. Palestinezët e kanë dëshirë për të vetëqeverisje.

A kanë ata vullnet për të zgjedhur një parlament, nëse palestinezët do nisin luftë civile, duhet që të lobojnë për të njohur institucionet e tyre dhe autonimin ta kalojnë nga autonomi në një shtet të pavarur. Nëse s’do kishte lobim mund të ndodhte që Gaza të boshatisej, por 90 % e Hamasit nuk është eleminuar lë hije dyshimi mes bashkëpunim mes Izraelit dhe Hamasit ose për ndonjë ndërhyrje tjetër ushtarake. Por, marrëveshja e Trump për paqen në Gaza, mendoj se është ngjashme me ‘Rambujen’ për Kosovën’, tha ai.

Rendit zhvillimet sipas orarit:
Ora 22:20
Spahiu: Zgjedhjet e parakohshme në Kosovë të pashmangshme, sepse në mars zgjidhet presidenti i ri

Juristi Kreshnik Spahiu, komentoi situatën politike në Kosovë. Ai tha se zgjedhjet e parakohshme në Kosovë janë të pashmangshme.

‘Janë të pashmangshme për dy arsye, pas 4 muaj do të shkohet në zgjedhje të parakohshme. Në mars zgjidhet presidenti i ri. Kurti është përballë një fakti të thjeshtë Vetvendosja është fituese e zgjedhjeve por s’ka mazhorancë qeverisëse, sepse nëse s’ke 50 % të votave duhet që të bashkëqeverisësh. Këta kanë për borxh ta mbajnë shtetin peng pa qeveri. Zgjedhjet lokale ishin vigjilie se si do të zgjidhet kriza parlamentare’, tha ai.

S.B/Shqiptarja.com