Deputetët e PD dhe LSI kanë braktisur Komisionin e Ekonomisë, pas debateve për lirimin e ish-ministrit Saimir Tahiri dhe mos dorëheqjes së ministrit të Brendshëm, Fatmir Xhafaj. Report Tv mëson se i vetmi deputet që ndodhet në mbledhje është ai i LSI, Edmond Haxhinasto.
Ka qenë kreu i grupit parlamentar të PD, Edmond Spaho, që ka debatuar me kryetarin e komisionit, socialistin Erjon Braçe. Spaho është ndalur në dy çështje, pikërisht te mos dorëheqja e ministrit Fatmir Xhafja dhe te lirimi i ish-ministrit Saimir Tahiri, duke thënë se këto janë fakte që mazhoranca ka kapur drejtësinë.
Sa i takon deklaratave të ambasadorit amerikan, Donald Lu, për presionin dhe paratë ofruar gjyqtarëve, Spaho tha se pas kësaj fshihen elementë të mazhorancës. Në përgjigjen e tij të shkurtër, Braçe ironizoi demokratët, teksa tha se nuk e di kur ata janë seriozë, kur hedhin valle apo kur flasin në komision.
Edmond Spaho: Xhafaj me të vëllanë janë të lidhur me rastin e ‘Xibrakës’. Me mos dorëheqjen e Xhafajt dhe me lirimin e Tahirit po i prehet rruga drejtësisë. Dje u vërtetuan ato që kanë thënë opozita, që doni ta kapni për fyti sistemin e drejtësisë. Ata katër fakirët e Kukësit rrinë në burg, Tahiri e Mark Frroku gjezdisin të lirë. Referojuni fjalës së ambasadorit amerikan, që tha se është ushtruar presion dhe janë ofruar para për lirimin e Tahirit. Kush ushtron presion dhe ofron para? Mazhoranca dhe kjo është shumë e rëndë. ne do vazhdojmë përpjekjet tona që të plotësohet së paku kushti themelor për hapjen e negociatave. Nëse ato dështojnë, është përgjegjësia juaj, dhe ju do përballen edhe më ashpër me zemërimin e qytetarëve të këtij vendi.
Erjon Braçe: Nuk e di kur jeni seriozë, kur hidhni valle apo kur flisni këtu. S’ka asnjë lidhje me ne presioni te gjykatësit, janë ata që keni emëruar ju. Nuk dua të bëj replikë me ju, se e di që do vazhdosh të këndosh.
Spaho: Janë deklaratat e ambasadorit Donald Lu.
Dy deputetë të LSI kanë ‘tradhtuar’ sot partinë e tyre, duke qëndruar në mbledhjen e komisioneve, teksa kolegët e tyre të PD dhe LSI janë larguar. Ky është një veprim i përsëritur tashmë në LSI, ku thuajse gjithmonë qëndron një deputet, qoftë në Kuvend apo në komisione.
Këtë radhë, deputetët që nuk kanë lëvizur nga vendi, kur është larguar opozita, kanë qenë Nasip Naço te Komisioni i Ligjeve dhe Edmond Haxhinasto te Komisioni i Ekonomisë.
Siç mund t’i shihni dhe në foto, Naço dhe Haxhinasto janë deputetët e vetëm që vazhdojnë të qëndorjnë në mbledhje nga radhët e opozitës.
(Edmond Haxhinasto i LSI te Komisioni i Ekonomisë)
(Nasip Naço i LSI te Komisioni i Ligjeve)
Në debatin në Komisionin e Ekonomisë, nënkryetarja Jorida Tabaku kërkoi largimin e ministrit të Brendshëm, Fatmir Xhafaj.
Tabaku tha se ministri Xhafaj është subjekt i ligjit Antimafia dhe, bashkë me Saimir Tahirin në liri, janë pengesë për integrimin e vendit dhe hapjen e negociatave.
Duke iu drejtuar ministrit të Diasporës, Pandeli Majko, Jorida Tabaku vuri në dukje se Shqipëria është një nga vendet me numrin më të lartë të të rinjve që po emigrojnë, për shkak se lidhjet e qeverisë me krimin ua kanë bërë jetën të pamundur, duke mos ndërtuar dot të ardhmen në vendin e tyre.
Tabaku i kërkoi Majkos të tregohet i drejtpërdrejt dhe njësoj sikundër pohoi se Partia Socialiste humbi zgjedhjet në ato zona ku nuk takuan kriminelë, të pohojë se krimi i lidhur me qeverinë është pengesë edhe për integrimin.
Teksa Edmond Spaho po replikonte me Erjon Braçen për deklaratat e ambasadorit Donald Lu se gjyqtarëve ju ushtrohet presion dhe ju ofrohen para, ka ndërhyrë aleati i Lulzim Bashës, Dashamir Shehi.
Shehi ka ndërprerë debatin mes Spahos e Braçes në Komisionin e Ekonomisë, duke ju kujtuar dy deputetëve, por edhe të tjera të pranishëm në mbledhje, se duhet të flasin për temën.
Më pëlqen të merremi me këtë fondin, se ka shumë gjëra për të diskutuar. Sot kryefjala e të gjitha punëve është kjo.
Dashamir Shehu, deputet i PD
Komente
Lajme të tjera
-
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Komisioni i Ekonomisë kalon projektligjin për faljen e gjobave, të enjten miratohet në Parlament! Balla kërkon që të hyjë në fuqi menjëherë (DETAJET)
17 Dhjetor, 14:11 -
Komisioni 'Antikorrupsion', Xhafaj: Kemi gati draftin, konsolidim reformës në drejtësi
17 Dhjetor, 13:52 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Antikorrupsioni/ Fatmir Xhafaj: Kur nisi fillimisht pati dyshime dhe spekulime, por provuam të kundërtën sikurse dhe me Reformën në Drejtësi!
11 Dhjetor, 16:46 -
U dënua me 1 vit burg për kallëzim të rremë, Salianji bën rekurs në Gjykatën e Lartë
4 Dhjetor, 16:31 -
Kuvendi i jep 350 mijë euro Xhafajt për Komisionin Antikorrupsion! Do të punësojë 91 ekspertë me pagesë deri në 8 mijë euro (EMRAT+ DOKUMENTI)
4 Dhjetor, 14:03
-
2100 rezervistë deri në 2030-ën, Vëngu: Të rekrutuarit nuk humbasin vendet e punës, kostoja mujore 1 mijë euro për rezervist
2 Dhjetor, 17:07
-
5 vjet nga tërmeti shkatërrimtar i 26 nëntorit me 51 viktima, Braçe: Nuk kisha parë aq shumë jetë të humbura në një agim
26 Nëntor, 09:26 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Fatmir Xhafaj: Siç vepruan me reformën në drejtësi thellojmë reformat për mirëqeverisjen, antikorrupsionin dhe sundimin e ligjit
18 Nëntor, 22:42
Bllokimi i jetes normale te parlamentit kurre nuk sjell gje te mire.
PërgjigjuO edmond po ti je edhe profesor nuk te shkojn kto gjera.
PërgjigjuPse nuk i nxjerrin jasht kta qe bllokojn, nuk duan te punojn nxirre jasht.
Përgjigju