POP 5

Lajmet më të lexuara të 5 minutave të fundit

Kronikë

Lajme nga emisionet

SPAK dërgoi për gjykim Mediun për tragjedinë e Gërdecit, Zamira Durda: T’i shtohet akuza e vrasjes! Qesharake që akuzohet vetëm për korrupsion

Zamira Durda, nëna që humbi djalin e saj 7 vjeçar në tragjedinë e Gërdecit ka kërkuar që në dosjen që SPAK dërgoi për gjykim për Fatmir Mediun, ministër i Mbrojtjes asokohe, të përfshihet edhe akuza për vrasje dhe jo vetëm ajo e korrupsionit dhe pastrimit të parave.

Zamira Durda, nëna që humbi djalin e saj 7 vjeçar në tragjedinë e Gërdecit ka kërkuar që në dosjen që SPAK dërgoi për gjykim për Fatmir Mediun, ministër i Mbrojtjes asokohe, të përfshihet edhe akuza për vrasje dhe jo vetëm ajo e korrupsionit dhe pastrimit të parave.

Në një lidhje ‘skype’ për studion e emisionit ‘Sot Live në Shqipëri’ me gazetarin  Nertil Agalliu në Report TV ajo tha se për Gërdecin fajëson të gjithë piramidën shtetërore që nga presidenti deri tek kryeplaku i fshatit.

“Kërkoj vendosjen e drejtësisë për tim bir, të dënohen fajtorët që e vranë dhe në fund të ata që e shkaktuan Gërdecin të paguajnë. Unë akuzoj gjithë piramidën shtetërore që nga presidenti deri tek kryeplaku i fshatit, pastaj se kë nxjerr prokuroria fajtore këtë nuk di ta them.

Unë përfaqësoj tre viktima, jo vetëm djalin tim. Jam e pakënaqur me këtë dosje sepse shpërdorimi i detyrës duhet t’i shtohet vrasja. Sepse të pandehurit e tjerë që kanë qenë në shkallë të parë kanë qenë të pandehur për vrasje, po ata nga këta i morën urdhrat, nga ministrat”-tha Durda.

Ajo tha se çështjen do të dërgonte deri në Strasburg nëse ndaj Mediut dhe të akuzuarve të tjerë për tragjedinë e Gërdecit, nuk shtohej akuza e vrasjes.

“Do ta çoj çështjen deri në Strasburg. Nëse nuk akuzohen për vrasje, atëherë çfarë na duhet korrupsioni? Është qesharake nëse kjo dosje përfundon me korrupsion pa akuzën e vrasjes. Kjo ka ndodhur, është realitet, jo se po e kërkoj unë”-shtoi ajo.

Sa i përket të akuzuarve të tjerë për shpërthimin e municioneve që u mori jetën 26 personave, Durda tha se kërkesës së saj, SPAK i ishte përgjigjur se nuk gjente dot adresën e gjeneralit Luan Hoxha i cili jeton në SHBA prej vitesh. Ajo theksoi se kërkon burgosjen e personave përgjegjës për jetët e humbura dhe jo akuzën e tyre për korrupsion.

Ditën e sotme, SPAK ka dërguar për gjykim ish ministrin e Mbrojtjes, Fatmir Mediu, i cili akuzohet se në lidhje me procesin e çmilitarizimit dhe çmontimit të municioneve që është zhvilluar në ambientet e ish “Brigatës së Tankeve”, në fshatin Gërdec, në bashkëpunim me funksionarë të tjerë të Ministrisë së Mbrojtjes si dhe persona që kanë pasur cilësinë e ushtarakut kuadër komandues, ka nxjerrë disa akte nënligjore në kundërshtim me ligjin. Sipas SPAK, Mediu ka dëmtuar interesat e shtetit dhe ka favorizuar 2 kompanitë, 'SAC' dhe 'Albademil'. Për këtë çështje ai akuzohet për “shpërdorim detyre” referuar Kodit Penal dhe “Shpërdorim i detyrës” në bashkëpunim me subjekt ushtarak-kuadër komandues.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Grua trime: 08/02/2023 23:08

    Fatmiri Berisha Shkerdheni duhet te ripenn te gjalle me thike te ndryshkur.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja