Mos-deklarimi në Formularin e Dekriminalizimit i një dënimi me vetëm qortim në Greqi për kalim të paligjshëm të kufirit, i kushtoi kryebashkiakut të Kuçovës Kreshnik Hajdari një dënim me 9 muaj burg, për falsifikim dokumentesh.
Gjykata e Posaçme kundër Korrupsionit dhe Krimit të Organizuar e konvertoi dënimin në 150 orë punë në Komunitet.
Vetë Hajdari, preferoi të mos komentonte, ndërsa avokati i tij theksoi se vendimi i shkallës së parë, nuk pengon punën në krye të Bashkisë.
“Gjykata dha përfundimisht një vendim dënimi, duke e dënuar me 150 orë në komunitet. Ne dhamë argumentet tona por si duket gjykata nuk u bind. Duhet të merret vendimi i formës së prerë. Se ne do të apelojmë. Sipas nenit 63 nuk figuron i dënuar personi që dënohet me pune në komunitet”, tha avokati.
Por nëse edhe Gjykata e Apelit, do të lërë në fuqi masën, atëherë kryebashkiaku i Kuçovës do e humbë mandatin.
Lidhur me mandatin e Hajdarit, edhe në Komisionin Qendror të Zgjedhjeve është pezull vendimi, pasi disa javë më parë, KAS i kërkoi Ilirjan Celibashit të rivendosë nëse duhet t’i heqë mandatin apo jo, për shkak se në Formularin e Dekriminalizimit nuk deklaroi dënimin.
Denoncimi për fshehjen e dënimit në Greqi, për Hajdarin është bërë nga Partia e Lirisë. Ky i fundit ishte dënuar në 23 qershor të vitit 1999 me vendim të formës së prerë nga Gjykata e Janinës për hyrje në territorin grek pa leje, i konvertuar në masë riedukuese të “qortimit” për shkak të moshës, vetëm 17 vjeç.
Kryebashkiaku i Kuçovës Kreshnik Hajdari i akuzuar për ‘falsifikim dokumentesh’, është dënuar nga GJKKO me 150 orë punë komunitare.
Dënimi i dhënë ndaj tij ishte 9 muaj burg por në fund gjykata vendosi konvertimin me 150 orë punë komunitare. Avokati i kryebashkiakut, Theodhori Sollaku tha se ky vendim nuk ndikon në ushtrimin e detyrës së Hajdarit.
Lajme të tjera
-
SPAK: Amnistia penale shkurtoi dënimin e dhjetëra zyrtarëve të korruptuar
30 Prill, 22:01
-
GJKKO refuzon marrëveshjen mes SPAK dhe ish-kryebashkiakut të komanduar të Kukësit, Granit Gjana, dosja kthehet për hetim
30 Prill, 11:14
-
Erion Veliaj 8 orë në SPAK për inceneratorin e Tiranës: Isha si bashkëpunëtor! Dhashë të gjitha shpjegimet! Ndihem i lehtësuar
30 Prill, 08:52 -
Kung Fu në Berat, 70 djem e vajza praktikojnë artet marciale! Mjeshtri: Sport i vetëmbrojtjes me shumë vlera
28 Prill, 17:07 -
E vetmja dritë në fundin e tunelit të Metës janë prangat e Dumanit dhe Kllapit
28 Prill, 16:43
-
Protestat e Rithemelimit, Veliaj për Report Tv: Dogjën bashkinë, monument kulture! Ditët e ardhshme dorëzoj vetë dosjet në SPAK me informacione për të gjitha çështjet
27 Prill, 18:13 -
Përgjimet 'fundosën' grupin e serave të kanabisit në Berat: 2 rrugë, 300 arka, i mbusha unë! Kodet mes trafikantëve: Nga 'OTR' deri te 'TBA'
27 Prill, 16:39 -
Mediat italiane: Shqipëria ringjall fabrikat sovjetike të armëve
27 Prill, 16:31 -
Leje legalizimi dhe punësime për të votuar PS në zgjedhjet e 2019! Arrestohet zyrtari i kadastrës e kryeplaku i Saukut (EMRAT+VIDEO)
26 Prill, 22:49
-
U arrestuan për atentatin e dështuar ndaj Otit të Elbasanit, SPAK kërkon pushimin e hetimeve për miqtë e Erjon Alibejt
26 Prill, 17:24
-
Spastrimi nga ‘tradhtarët’ e nepotizmi, nesër konventa ‘kuqezi’ e PL! Sulme ndaj SPAK e ‘vizitë’ te Berisha
26 Prill, 15:05
-
12 mijë € për një leje për shfrytëzim plazhi dhe 7.500 € për të mos prishur objektin në Ksamil, SPAK dërgon për gjykim 2 ish-zyrtarë të IKMT-së dhe Urbanistikës në Sarandë
26 Prill, 11:35
