Pas kërkesës zyrtare të presidencës në lidhje me informimin mbi gjendjen e procedimit dhe statusin e secilit prej 16 emrave që do të jenë ministrat e rinj të qeverisë 'Rama 3', SPAK i ka kthyer përgjigje presidentit Ilir Meta.
Sipas Strukturës së Posaçme Anti-Korrupsion, lidhur me verifikimin e 16 emrave, asnjë prej tyre nuk është i regjistruar si person nën hetim në regjistrin e njoftimit të veprave penale të Prokurorisë së Posaçme.
Një ditë më parë edhe Prokuroria e Përgjithshme iu përgjigj kërkesës së njëjtë të presidentit Meta, ku nënvizonte se asnjë nga 16 emrat nuk rezulton se është nën hetim.
Kryeministri Edi Rama është dekretuar më 10 shtator nga kreu i Shtetit, vetëm një ditë pas betimit të deputetëve të rinj në Kuvend. Ndërkohë, përbërja e qeverisë së re u bë publike të enjten e 2 shtatorit dhe pritet të dekretohet, pasi presidenti Meta të marrë përgjigje edhe nga SPAK-u. 12 gra e 5 burra do të jenë anëtarët e rinj të Qeverisë, ku numri 2 i saj është Arben Ahmetaj.
Emrat e ministrave të qeverise 'Rama 3';
Kryeministër – Edi Rama
Zëvendëskryeministër (do mbikëqyrë edhe rindërtimin) - Arben Ahmetaj
Ministre për Europën dhe Punëte Jashtme - Olta Xhacka
Ministër i Mbrojtjes - Niko Peleshi
Ministër i Drejtësisë - Ulsi Manja
Ministër i Punëve tëBrendshme - Bledi Çuçi
Ministre e Financave dhe Ekonomisë - Delina Ibrahimi
Ministre e Infrastrukturës dhe Energjisë- Belinda Balluku
Ministre e Shëndetësisë dhe Mirëqenies Sociale - Ogerta Manastirliu
Ministre e Arsimit dhe Sportit - Evis Kushi
Ministre e Bujqësisë dhe Zhvillimit Rural- Frida Krifca
Ministre e Kulturës Elva Margariti
Ministre e Mjedisit dhe Turizmit, - Mirela Kumbaro
4 ministra shteti
Elisa Spiropali për Marrëdhëniet me Parlamentin
Edona Bilalli ministre shteti për Mbrojtjen e Sipërmarrjes
Bora Muzhaqi ministre Shteti për Rininë dhe Fëmijët
Milva Ekonomi, ministre Shteti për Standardet e Shërbimeve