Ish-ministri i mjedisit Lefter Koka kërkoi pafajësi në lidhje me akuzat e ngritura nga prokuroria për inceneratorin e Elbasanit, të cilat i cilësoi si të motivuara politikisht. Në një seancë maratonë prej orës 09.00 të së enjtes, ish-zyrtari i lartë u paraqit me një pamje të re, ndryshe nga ajo e dhjetorit të vitit 2021 kur u arrestua. Koka bëri përgjegjës Ish-presidentin Ilir Meta për akuzat ndaj tij, të cilit iu referua me epitetet fuks dhe ish-sigurims ndërsa nuk kurseu as epitetet ndaj Monika Kremadhit.
“Prokuroria u bazua tek kallëzimi LSI dhe për 2 vite nuk më mori në pyetje asnjëherë. Unë si ministër, Sekretari përgjithshëm dhe Komisioni kemi zbatuar me përpikëri ligjin. Intriga e këtij procesi dashakeq do të dalë dhe uroj të shërbejë për konsolidimin e mëtejshëm të reformës në drejtësi. Kjo është situatë e krijuar nga Presidenti me fallxhoren e tij, i cili duke ndenjur mejhaneve thoshte do ta fus ne burg Lefter Kokën. Është kohë e vështirë që kërkon burra e burrni, unë nuk kam borxh askujt ta paguaj me lirinë time!”- thotë Koka.
Ish-zyrtari i lartë, nuk i kurseu akuzat edhe ndaj prokurorisë së posaçme.
“Akuza e prokurorisë është idiote! Kam hyrë në politikë si biznesmen dhe nuk më bëri politika biznesmen. Ky proces është i manipuluar fund e krye, por besoj se e vërteta do të triumfojë. Nuk ekziston asnjë kontakt ose njohje me pronarët e inceneratorëve, ato nuk i solla unë por erdhën si propozim nga bota e biznesit. Prokurori devijoi hetimet dhe copëzoi dosjen për të mos zbuluar të vërtetën. Drejtësia më herët sesa vonë do të dalë.”- thotë ai.
Avokatët e Kokës, thanë se incineratori i Elbasanit ishte ngritur pasi ishte kërkuar mendim nga katër ministri, Financave, Ekonomisë dhe Energjitikës dhe Drejtësisë.
"Gjatë kohës që janë bërë negociata me kompanitë e inceneratorit klienti im ka qenë jashtë vendit. Sa i përket procedurës së bërë me negocim pa shpallje, është bërë në kuadër të emergjencës mjedisore të shpallur nga Bashkia e Elbasanit. Në komisionet e ngritura, nuk ishte e përfshirë vetëm Ministria e Mjedisit, por kishte përfaqësues edhe nga ministritë e tjera. – tha avokati i tij.
Edhe ish deputeti socialist ka dëshmuar, ku ka ripërsëritur se është i pafajshëm.
Në lidhje me kantinën e pijeve në Durrës, të sekuestruar nga SPAK, avokatët theksojnë se prona është themeluar në vitin 1927 dhe është privatizuar në 2000, shumë kohë para nisjes së procedimit për çështjen e incineratorëve. Më 18 maj prokuroria kërkoi 10 vjet burg për Lefter Kokën, i cili me gjykim të shkurtuar do të vuajë 6 vjet e 8 muaj nëse shpallet fajtor nga gjykata. Pafajësi në seancë kërkoi edhe Alqi Bllako, i cili tha se si sekretar i përgjithshëm i ministrisë, nuk ka pasur rol në zgjedhjen e anëtarëve të komisioneve por vetëm si përcjellës i dokumentacionit.
Më 18 maj, Prokuroria e Posaçme paraqiti në gjykatë pretencën ndaj të akuzuarve për incineratorin e Elbasanit. Organi i akuzës ka kërkuar nga dhjetë vjet burg për Lefter Kokën, Mirel Mërtirin dhe Klodian Zoton si dhe 4 vjet heqje lirie për ish deputetin Alqi Bllako.
Për shkak të gjykimit të shkurtuar të pandehurit përfitojnë uljen e një të tretës së dënimit në përfundim të procesit gjyqësor, duke u dënuar përkatësisht me 6.8 vjet heqje lirie për Kokën, Mërtirin e Zoton dhe 2.8 vjet burg për Alqi Bllakon.
Dënime me nga 4 vjet u kërkuan edhe për ish-zyrtarët e tjerë të akuzuar si ish anëtarë të komisioneve të tenderit të incineratorit. Në pretencën e prokurorisë u kërkua edhe konfiskimi i dy kompanive 'AlbTech' dhe 'Integrated Technology SHPK' si dhe i 8 apartamenteve. SPAK kërkoi që ish ministrit Lefter Koka ti konfiskohen 3 pasuri përfshirë kantinën në Durrës ndërsa avokatët do të flasin më 1 qershor.
Pretenca e SPAK për të akuzuarit
Lefter Koka 10 vite burg (6 vite e 8 muaj prej gjykimit të shkurtuar)
Alqi Bllako 4 vite burg (2 vite e 8 muaj prej gjykimit të shkurtuar)
Mirel Mërtiri 10 vite burg (6 vite e 8 muaj prej gjykimit të shkurtuar)
Stela Gugallaj 7 vite burg (4 vite e 8 muaj prej gjykimit të shkurtuar)
Klodjan Zoto 10 vite burg (6 vite e 8 muaj prej gjykimit të shkurtuar)
Pëllumb Abeshi 4 vite burg (2 vite e 8 muaj prej gjykimit të shkurtuar)
Jonida Zeqo 4 vite burg (2 vite e 8 muaj prej gjykimit të shkurtuar)
Raportoi për Report Tv dhe Shqiptarja.com gazetarja Keti Banushi.
Deputeti socialist, Alqi Bllako ka dëshmuar në sallën e gjyqit dhe ka mohuar akuzat që rëndojnë ndaj tij.
“Jam i pafajshëm. Ne cilësinë e sekretarit te përgjithshëm te ministrisë nuk i kam patur rol ne zgjedhjen e anëtareve te komisionit te vlerësimit te ofertave. Kam patur rolin e zyrtarit qe kryente vetëm shkresa përcjellëse mes institucioneve.”- thotë Bllako.
Ish ministri i Mjedisit, Lefter Koka ka dhënë dëshminë e tij të parë në sallën e gjyqit. Ish ministri shprehet se procesi dhe gjyqi ndaj tij është i manipuluar ndërsa shpesh në deklaratën e tij, të cilën e ka siguruar gazetarja e Report Tv, shprehet se e vërteta dhe pafajësia e tij do të triumfojë.
Koka, akuzohet për shpërdorim detyre dhe korrupsion për aferën me inceneratorët.
"Një e vërtetë e thënë përgjysmë është e pavërtetë. Prokuroria u bazua tek kallëzimi LSI dhe për 2 vite nuk më mori në pyetje asnjëherë. Unë si ministër, Sekretari përgjithshëm dhe Komisioni kemi zbatuar me përpikmëri ligjin. Bëmë punën më të mirë dhe shërbyem me devotshmëri. Eshtë kohë e vështirë që kërkon burra e burrni, unë si kam borxh askujt ta paguaj me lirinë time!
Akuza e prokurorisë është idiote! Kam hyrë në politikë si biznesmen dhe s`më bëri politika biznesmen. Po kthehemi 45 vite para në proceset e stisura të sistemit komunist. Është një alarm jo vetëm për mua por për të gjithë shoqërinë. Ky proces është i manipuluar fund e krye , besoj se e vërteta do të triumfoj. Nuk ekziston asnjë kontakt ose njohje me pronarët e inceneratorëve, ato nuk i solla unë por erdhën si propozim nga bota e biznesit. Prokurori devijoi hetimet dhe fraksionojë dosjen për të mos zbuluar të vërtetën. Drejtësia më herët sesa vonë do të dalë. Intriga e këtij procesi dashakeqës do të dalë dhe uroj të shërbejë për konsolidimin e mëtejshëm të reformës në drejtësi. Prokurori fshehu 40 fashikuj hetimor ku gjenden provat për pafajësinë time. Më janë vënë në dispozicion nga gjykata 1 javë më parë. Akuza pësoi mutacione për ti qëndruar besnike kallëzimit të LSI. Kurrë nuk i kam futur dorën në xhep dikujt."- thotë Koka.
Komente
Lajme të tjera
-
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09 -
Inceneratori i Fierit, Apeli prish vendimin e GJKKO-së, e kthen dosjen për rigjykim dhe me një tjetër trupë gjykuese!
19 Dhjetor, 14:31 -
GJKKO kalon për gjykim dosjen e inceneratorit të Tiranës me 12 të pandehur, mes tyre ish ministri Lefter Koka, Alqi Bllakos i rikualifikohet vepra penale
13 Dhjetor, 11:15
-
Nën akuzë për inceneratorin e Tiranës, GJKKO zbut masën e sigurisë ndaj Alba Thoma! Detyrim paraqitjeje për ish-drejtoreshën Juridike
5 Dhjetor, 13:45 -
Inceneratori i Fierit, përfundon shqyrtimi në Apelin e Posaçëm, vendimi shpallet më 19 Dhjetor! SPAK kërkon shpalljen fajtor të Bllakos dhe për shpërdorim detyre
4 Dhjetor, 12:06
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Elbasan/ Përfshihet nga flakët fusha e mbetjeve të Inceneratorit, tymi dhe era e keqe pushtojnë zonën! PD: E qëllimshme! Policia: Aksident (VIDEO)
9 Nëntor, 08:43 -
Inceneratori i Elbasanit/ Apeli i GJKKO ashpërson dënimin me burg për ish-ministrin Lefter Koka, dënohet dhe Alqi Bllako, prishet pafajësia! Shtohet akuza për shpërdorim detyre (VENDIMI)
8 Nëntor, 15:11
-
Ish-deputeti i PS, Alqi Bllako i pandehur edhe për Inceneratorin e Tiranës, SPAK e akuzon për korrupsion në dy raste
8 Nëntor, 10:14
-
Inceneratori i Fierit/ Apeli i GJKKO vendos përsëritjen e shqyrtimit gjyqësor! SPAK kërkon dënimin e Imerajt, Dervishajt, Kodrës dhe Ballkos për shpërdorim detyre! Do thirren 8 dëshmitarë
28 Tetor, 15:56
-
Berisha akuzon 'gabimisht' Monika Kryemadhin: Trego si i dorëzove Edi Ramës 460 mijë euro! Thirrje Lefter Kokës përplasja në fytyrë
25 Tetor, 20:27 -
Inceneratori i Elbasanit/ Lefter Koka: S'jam unë peshku i madh! Doni të zbuloni korrupsionin? Hapni telefonin e Monikës! Meta manipulator, kërkoi të hiqte ambasadorin Withers
25 Tetor, 12:25
Jan të dënuar POLITIK nga LikeDpiuni & Mona baxhella agjentja RUSE. -SPAK i tredhur nga S.Berisha 92 kërkon të plotësoi numrin e të dënuarve të MAJTË.Nga e djathta asnjë. Mediet i shqyen gjyqet 10 herë,Salianit 9 herë,Saliu,Zeni,Malltezi.. nuk thirren asnjëherë se u shkojnë PORDHËT 7.. 7..Nga Frika e përbindshit Sb fatkeqsi Kombëtare.. -Kështu u veprua me S.Tahirin: Drogën e ligjëroi Sb,e vaditi L.Basha..S.Tahiri e dogji dhe shkoi në burg me urdhër të Sb,Ambasadorit LU...& OK të Edi Ramës..pasi drogaxhijt e Sb në 20 vite ishin bër profesor në perëndim dhe pasi dolën nga burgu i drejtësisë tredhur nga Sb shtua drogën ..që duheshin mbi 1.500.000 polic për ta kontrolluar..! E meqënse kjo nuk bëhej e hëngri ST Ministri më i mirë i PS . Me këtë SPAK të Sb 90 % e PS dhe shkoi në burg..!
PërgjigjuKlodian Braho duhet te kishte dhene vete doreheqejen meqe vllai i gruas eshte denuar ne Itali. Ku vettingu ktu??? Lereni te dali avokat klodiani si shoket se s ka lene poshtersi pa bere ne SPAK. Prokuroria nuk eshte prone e Klodian Brahos apo akoma qeka e privatizuar prokuroria qe duhet ti sherbente qytetarve dhe drejtesise e jo ndryshe!
PërgjigjuKy Bllakoja duhet te rri ne burg vetem per emrin qe ka...Kurse Koken e paska marre burgu per mire...
PërgjigjuNje gje spo kuptoj, ky Koka ne plazh me pushime ka qene, apo brenda ne qeli??!!! Shume i nxire nga dielli po duket,
PërgjigjuPo pse re palle, mbyll në qeli gjithë ditën rrine njerëzit
Gjithkujt duhet ti interesoje dhe te preokupohet per gjykim te drejte dhe te argumentuar.Pra,passioni,pakenaqsia,apo neveria ndaj nje personi nuk duhet te ndeshkoje drejtesine ne gjykim.Qe ASPAK Ka defekte serioze,kjo nuk Ka diskutim.Kam lexuar ne shtyp:-Dy specialiste te caktuara nga ASPAK Kane analizuar gjithe procesin,dokumentat ,fondete per incel. elbasan dhe Fier.Kane Dale shume ne rregull,PA asnje abuzim.A iu Ka percjelle ASPAK gjukates- keto dokumenta?Nese Jo eshte abuzim i hapur me detyren.Per dijeni,nuk kam asnje lidhje ,apo njohje me te pandehurit.Gjukata duhet te therrese ne proces per deshmi drejtuesit e LSI qe perfshihen ne kete maskarade.
PërgjigjuCFAR LLOJ TURINJSH , HAJDUT ORDINER , GEZOHEN ME LEKET QE KAN VJEDH , NE BURG E KENI VENDIN MASKARENJ , ISHALLA JU A NGOP ED ROMA ME NJA 100 VJET BURG PISA ,
Përgjigju