Spanja nuk ndryshon qëndrim! Kryeministri Sanchez: Mbështesim Beogradin kur flitet për çështjen e Kosovës

Spanja nuk ndryshon qëndrim! Kryeministri Sanchez: Mbështesim Beogradin kur flitet për çështjen e Kosovës

Pedro Sanchez dhe Aleksandër Vuçiç

Kryeministri spanjoll Pedro Sanchez ishte për vizitë zyrtare në Serbi ku nuk kurseu komentet pozitive për Vladimir Vucic ndërsa mbajti edhe një qëndrim që dihej prej kohësh për cështjen me Kosovën. Në deklaratën për mediat u shpreh se mbështesin dialogun Beograd-Prishtinë, por Spanja mban anën e Serbisë për cdo gjë që ka të bëjë me Kosovën.

“Ne jemi të bashkuar me bindjen e nevojës për të garantuar të drejtën ndërkombëtare dhe integritetin sovran të shteteve. Ne mbështesim Serbinë në çdo gjë që ka të bëjë me Kosovën”, tha Sanchez. Spanja është një nga pesë shtetet në BE që nuk e njeh pavarësinë e Kosovës. Gjithashtu Spanja është një nga shtetet më të rëndësishme në Bashkimin Europian për nga influenca dhe ekonomia.

Sanchez u prit nga presidenti Vuçiç këtë të premte dhe pas takimit dolën në konferencë për mediat ku Spanja shprehu mbështetjen për integrimin në BE të Serbisë. “Besoj se tani është koha, që është koha për të përshpejtuar reformat dhe për t'u përkushtuar përfundimisht ndaj Bashkimit Evropian”, ishte mesazhi i Sanchez për Vuçiçin. Ky ishte një mesazh që liderët e tjerë të rajonit që kanë nisur procesin e anëtarësimit, ndërsa Bosnja dhe Hercegovina nuk gëzon ende as statusin e kandidatit.

Sanchez theksoi se “nëse vendet e Ballkanit veprojnë njësoj si Serbia, kandidate që nga viti 2012, vazhdojnë të kryejnë reformat e tyre me vendosmëri, Spanja do të jetë gjithmonë pranë tyre”. Kryeqyteti serb ishte ndalesa e parë e vizitës së kryeministrit në rajon. Të hënën pritet të mbërrijë në Tiranë. Qëllimi i kësaj vizite zyrtare është përforcimi i marrëdhënieve dypalëshe dhe ekonomike me Serbinë , Bosnje-Hercegovinën , Malin e Zi, Maqedoninë e Veriut dhe Shqipërinë dhe mbi të gjitha për të treguar mbështetje për procesin e tyre të anëtarësimit në Bashkimin Evropian.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 30/07/2022 08:54

    I ftuari me konung special nga vllazrit siamez Edvin shkjau shqipfolës dhe Vucici, pér ta mbështetur balkanin serborus. Spanjës nuk i intereson asgjë tjeter përveq interesave të veta! Shqipëria nuk mësoi kurr se si mbahet kombi dhe shteti, sepse pushtat shqipfolës i shesin tokat shqiptare sikur të ishin tapi nga tezja

    Përgjigju
  • Iris: 30/07/2022 02:56

    Ashtu si Beogradi mbeshtet Spanjen per Katalonjen,basket,Galicine!!!!

    Përgjigju
  • Sondazhi i ditës:

    A duhet që opozita të dalë me një kandidat të përbashkët në zgjedhjet e ardhshme vendore?



×

Lajmi i fundit

Aksident në aksin Elbasan-Tiranë, shkoi në vendngjarje për një aksident, mjeti përplas efektivin e rrugores! Dërgohet drejt Traumës

Aksident në aksin Elbasan-Tiranë, shkoi në vendngjarje për një aksident, mjeti përplas efektivin e rrugores! Dërgohet drejt Traumës