POP 5

Lajmet më të lexuara të 5 minutave të fundit

Bota

Spanjë, në stallën e kuajve fabrikë e prodhimit të cigareve, kontrabandë në Europë dhe Ballkan, fitimi: 1.5 milionë euro në javë

Fabrika klandestine prodhonte 3500 cigare në orë, të cilat përfundonin në tregjet e Europës dhe Ballkanit, duke iu siguruar pronarëve kontrabandistë shuma stratosferike, rreth një milion e gjysmë euro në javë

Një fabrikë klandestine e prodhimit të cigare të falsifikuara u zbulua në afërsi të Malagës, në Spanjën jugore

Laboratori, ishte i fshehur nën një stallë dhe policia ka arrestuar 20 persona si dhe gjashtë me kombësi ukrainase, të mbajtur si rob brenda, të cilët u lanë të lirë.

Në kohën kur policia mbërriti në fabrikën klandestine, zbuluan praninë e gjashtë punëtorëve të mbyllur brenda, të cilët kishin vështirësi në frymëmarrje, pasi gjeneratori i përdorur për të pompuar ajrin në bunkerin laborator nuk punonte.

Midis të arrestuarve është edhe një shtetas britanik, i kërkuar në vendin e tij për krime që lidhen me trafikun e drogës, të cilin hetuesit e konsiderojnë ndër drejtuesit e organizatës kriminale.

Si pjesë e operacionit, policia sekuestroi 153,000 pako cigaresh dhe një sasi të panjohur hashashi dhe marihuane.

Fabrika klandestine prodhonte 3500 cigare në orë, të cilat përfundonin në tregjet e Europës dhe Ballkanit, duke iu siguruar pronarëve kontrabandistë shuma stratosferike, rreth një milion e gjysmë euro në javë.

Hetimet, e koordinuara nga Interpoli, tani kanë për qëllim rindërtimin e rrjetit të dyshuar të trafikut, si dhe identifikimin e çdo bashkëpunëtori të përfshirë në këtë aktivitet.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46