POP 5

Lajmet më të lexuara të 5 minutave të fundit

Bota

Spanjë/ Shkulnin bankomatet me kamion vinç dhe i grabisnin, arrestohen 7 shqiptarët e bandës! Strategji për sulmet, 500 mijë euro të vjedhura në 19 raste

Roja Civile gjurmonte prej muajit shkurt të këtij viti organizatën që kryente grabitjet me të njëjtën metodologji kriminale. Merrnin makina të vjedhura dhe blinin kamionë vinç të përdorur nga kompanitë për të shkulur ATM-të. Gjeneratorë të mëdhenj për të prerë dhe hapur bankomatet. Vjedhja e fundit në Barcelonë, 47 mijë euro

Spanjë- Roja Civile spanjolle ka goditur një grup shqiptarësh që kryenin grabitje të bankomateve (ATM), duke përdorur edhe kamionë vinç për shkuljen dhe transportin e tyre.

Të paktën 7 persona janë arrestuar, teksa akuzohen për të paktën 19 grabitje të kryera me të njëtën metodë kriminale.

Madje për shkuljen e bankomateve të bankave përdoreshin kryesisht kamionë vinç. Sulmet janë kryer në Almeria, Alicante, Valencia, Tarragona dhe Barcelonë.

Edhe dëmi i shkaktuar nga grbaitjet është i konsiderueshëm, të paktën 500 mijë euro. Operacioni është drejtuar nga Njësia Qendrore Operative (UCO). Sulmi më i madh i grupit të shqiptarëve cilësohet ai i muajit shkurt në një bankë në Cartagena (Murcia), ku grabitën 45000 euro.

E njëjta taktikë ishte përdorur edhe në raste të tjera të ngjashme, duke i lidhur fijet e hetimit tek e njëjta organizatë e dyshuar, shkruan media spanjolle.

Grupi përdorte kryesisht makina të vjedhura, u ndërronin targat, si dhe gjenin magazina apo kompani ndërtimi që kishin kamionë të përdorur në shitje, me qëllim për të grabitur bankat, mundësisht në qytete të vogla. Pasi shkulnin me vinç bankomatet, i dërgonin në vende të izoluara për t'i hapur dhe për të nxjerrë paratë. Për ta bërë këtë, ata përdorën një gjenerator të madh për të furnizuar energji të mjaftueshme, me qëllim për të funksionuar veglat speciale të prerjes, shpimit dhe hapjes.

Pasi kryenin goditjet, anëtarët kryesorë të grupit largoheshin nga Spanja me destinacion të ri aktiviteti kriminal.  Janë kryer kontrolle të shumta dhe sekuestruar 42720 euro cash, të cilat mund të korrespondojnë edhe me grabitjen e fundit, në një degë bankare në qytetin Olesa de të Barcelonës. 

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vale: 06/12/2024 14:04

    Turp

    Përgjigju
  • Tao: 06/12/2024 11:11

    Barbonat e trekendeshit Lezhe-Laç-Mirdite, veç te vjedhin dine.

    Përgjigju
  • Alb: 05/12/2024 18:00

    Ky ashte brezi si kena eduku per 35 vite.

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10