Partia Socialiste e Spanjës dhe partia e ekstremit të majtë, Sumar, thanë të martën se kanë arritur marrëveshje për formimin e Qeverisë së re, një hap i rëndësishëm për rizgjedhjen e kryeministrit në detyrë, Pedro Sanchez, për edhe një mandat tjetër.
Spanja përballet me një ngërç të zgjatur politik pas zgjedhje të përgjithshme të korrikut, të cilat i fitoi Partia Popullore konservatore (PP), por pa mbështetje të mjaftueshme për ta formuar Qeverinë. Muajin e kaluar, lideri i PP-së, Alberto Nunez Feijoo, humbi në një votim vendimtar parlamentar për t’u zgjedhur kryeministër. Sanchez, partia e të cilit përfundoi në vendin e dytë, e ka mundësinë tani.
Përkrahja e Sumarit është vendimtare, por e pamjaftueshme për t’u siguruar se ai do ta kalojë votën e besimit në dhomën e ulët të Parlamentit. Sanchez ka ende nevojë për mbështetje nga parti më të vogla rajonale, përfshirë nga separatistët katalonas të linjës së ashpër, JxCat. Marrëveshja e arritur mes socialistëve dhe Sumerit përfshirë edhe kërkesën për shkurtimin e orëve të punës pa i ulur pagat dhe një plan kundër papunësisë tek te rinjtë.
“Kjo marrëveshje për qeverinë për një mandat legjislativ katërvjeçar do t’ia mundësojë vendit tonë ta vazhdojë rritjen e qëndrueshme, si dhe punësim cilësor dhe zhvillim të politikave bazuar në drejtësinë shoqërore dhe klimatike”, thanë këto dy parti.
Sanchez, i cili mori pushtetin më 2018, dhe shefja e Sumerit, ministrja në detyrë e Punës, Yolanda Diaz, do ta ratifikojnë zyrtarisht marrëveshjen sot gjatë ditës në Madrid. Nuk është caktuar data se kur do të përballet Sanchez me votën e besimit në Parlament.
Nëse asnjë kandidat për kryeministër nuk e siguron shumicën deri më 27 nëntor, atëherë zgjedhjet do të përsëriten në janar. Në këmbim të mbështetjet vendimtare, JxCar po kërkon amnisti për qindra politikanë dhe aktivistë të cilët përballen me veprime ligjore për rolin e tyre në përpjekjen e dështuar të Katalonjës për ndarje nga Spanja më 2017. Kjo kërkesë i ka zemëruar djathtistët dhe disa zyrtarë në partinë e Sanchezit, të cilët argumentojnë se do ta rrezikonte sundimin e ligjit./REL
Lajme të tjera
-
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Spanjë/ Grabitën 13 banesa në seri në zonën e Madridit, çmontohet organizata e shqiptarëve, 5 të arrestuar! Përdornin makina me qira (FOTOT)
23 Dhjetor, 16:49 -
'Gjithmonë gati, të përpiktë dhe besnikë', media spanjolle i bën 'skaner' mafias shqiptare: Ata nuk flasin kot
22 Dhjetor, 19:00 -
Kapen me gjysmë ton marijuanë në 'shtëpinë e barit', arrestohen dy shqiptarë në Spanjë
20 Dhjetor, 11:02 -
Në kërkim nga Spanja për trafik droge, arrestohet i riu në Shkodër (EMRI)
19 Dhjetor, 09:37 -
Fotoja e Google Maps zbulon vrasësin që ngarkon trupin në makinën e tij
18 Dhjetor, 16:54 -
Goditet grupi kriminal në Spanjë, 9 në pranga! Sekuestrohen 25 mln euro kriptovalutë! Anëtari i ‘Çopjave’ u pastronte paratë e drogës
18 Dhjetor, 11:40 -
Marisa Paredes, ylli i kinemasë spanjolle, ndërron jetë në moshën 78-vjeçare
17 Dhjetor, 16:12 -
Po bënte 'hiking' me familjen, bie në luginë dhe ndërron jetën miliarderi dhe themeluesi i 'Mango'
14 Dhjetor, 20:20 -
Grabitje në Majorka, arrestohet në Spanjë shqiptari i dënuar për vrasje, ekzekutoi 30-vjeçarin në një koncert në Londër (EMRI)
14 Dhjetor, 17:32 -
Zyrtare/ FIFA: Kupa e Botës 2034 do zhvillohet në Arabinë Saudite, Botërori 2030 në tre Kontinente të ndryshme
11 Dhjetor, 16:46 -
Shefi i Krimeve në Spanjë ishte 'blerë' nga shqiptarët në Dubai, Policia spanjolle kërkon 'thasët' me para
9 Dhjetor, 08:04
