Spanjollët: Shqiptarët trafik kokaine, jo vetëm me avion, por edhe në banane, rekrutuan zyrtarët kolumbianë

Spanjollët nuk kanë asnjë dyshim që janë shqiptarët në krye të bandës që trafikoi një ton kokainë nga Kolumbia në Madrid. Të arrestuar janë dy shqiptarët Arjan Ndoci, që fshihej nën identitetin e vjedhur Dritan Gradica edhe Julian Deblini, që dyshohet se emrin e vërtetë e ka Julian Gjoka nga Lezha.

Sipas medieve spanjolle, shqiptarët e trafikonin kokainën e pastër nga Kolumbia në Madrid, jo vetëm me avionë të vegjël, por edhe të fshehur në kontenierët e bananeve. Ata e përshkruajnë rrjetin si shumë të fuqishëm, ndërsa kishin rekrutuar zyrtarë dhe punonjës të aeroporteve kolumbiane për të lëvizur kokainën.

Gjithashtu mes autoriteteve të dy vendeve, Spanjës dhe Shqipërisë po hetohet nëse kokaina e kapur në Madrid ka lidhje me atë që u sekuestrua në Durrës në 28 shkurt, 613 kg, ndërsa deri tani ka tre të arrestuar, pronari i kompanisë që kishte kontenierin me banane, administratorin e ‘Arbi Garden’ dhe shoferin. Nga të arrestuarit në Kolumbi është edhe Lelio Nevardo Ávila Santana, i cili furnizoi shqiptarët me kokainë, ndërsa në rrjet dyshohet se është edhe një femër.

TAG:
• Julian Deblini
• Dritan Gradica
• Arjan Ndoci
• julian gjoka
• Lelio Nevardo Ávila Santana