Spartak Braho i LSI votë për
Gramoz Ruçin në grupin e PS

TIRANE - Deputeti i Lëvizjes Socialiste për Integrim, i cili ka dalë nga listat e Partisë Socialiste për qarkun e Tiranës, Spartak Braho, njëkohësisht anëtar i kryesisë së LSI ka marrë pjesë në mbledhjen e djeshme të grupit parlamentar të PS. Madje nuk ka qëndruar deri këtu, thjeshtë për të qënë prezent në këtë mbledhje të parë të deputetëve socialiste me kreun e PS dhe kryeministrin e zgjedhur Edi Rama, por ka marrë pjesë dhe në votim.

Më konkretisht, deputeti Spartak Braho ka marrë pjesë në votimin e djeshëm në grupin parlamentar të Partisë Socialiste për kreun e deputetëve të PS që do të drejtojë këtë grup në këtë mandat katër vjeçar, Gramoz Ruçi. Një pjesmarrje me të vërtetë suprizë teksa deputeti Braho, pavarësisht se ka marrë mandatin si pjesë e listës së PS në kryeqytet, është deputet përfaqësues i LSI të drejtuar nga Ilir Meta.

Por bazuar dhe në deklaratat e djeshme të Ramës, që e ka cilësuar kaolicionin me LSI si pjesë të një programi qeverisës, dhe për më tepër deklaratës së kreut të PS që në momentin e shpalljes së listave të kandidatëve për deputetë, kur ka thënë se përfshirja e Brahos në listën e PS bëhet për shkak të cilësive të veçanta të tij kontributive në PS dhe në LSI, për të shërbyer si urë lidhëse në bashkëpunimin mes këtyrë dy partive, tashmë në një koalicion qeverisës ku bashkë me aleatët e tjerë të vegjel kanë një mazhorancë prej 83 votash, kjo me sa duket është kthyer në një normalitet.

Pikërisht me një qëndrim i tillë kjo me sa duket po jetësohet tashmë në prag të marrjes në dorë të qeverisjes së vendit, teksa Spartak Braho votoi për kreun e grupit të PS, Gramoz Ruçi.

Shkrimi u botua sot në gazetën Shqiptarja.com (print) 07.09.2013
 
Redaksia online
(b.m/shqiptarja.com)

TAG:
• gramoz ruçi