Spartak Ngjela: Amerikanët kanë
thelluar hetimet ndaj Berishës 

Avokat Spartak Ngjela ka deklaruar dje se investiguesit amerikanë kanë thelluar hetimet ndaj ish-kryeministrit Sali Berisha. Sipas Ngjelës, Berisha ka grabitur mijëra hektarë tokë. “Një histori e trishtueshme ka qenë për shqiptarët, të njëzet vjetët e banditizmit korruptiv shqiptar, që ndërkaq po merr fund.

Korrupsioni priste zvarritje dhe mundësi blerjeje të Komisionit tw Venecias, në një kohë kur dje, disa orë pas kancelares gjermane, Komisioni i Venecias tha që do t’a kthejë në Tiranë përgjigjen në datën 8 dhjetor. Nëntë ditë pasi Merkeli i jep kryeministrit shqiptar në Berlin, dokumentacionin e çeljes së negociatave me Bashkimin Europian.

Shumë u lodhe, o Sali ziu, që ta fundosje Shqipërinë në Lindje! Po ja që nuk ia dole dot. Dhe mëso ndërkaq edhe një fakt: është thelluar shumë hetimi kundrejt teje nga investigatorët amerikane.

Shqiptarët, kur t'i dëgjojnë, edhe pse të kanë njohur, do të shokohen nga habia e gjithë atyre milionave prej sheiku, dhe mijëra hektarëve që të kanë zbuluar ndërkaq. Por do të t'i marrin të gjitha... dhe me vendim gjykate – sigurisht”, shkruan Ngjela. 


d.b/shqiptraja.com