POP 5

Lajmet më të lexuara të 5 minutave të fundit

Politikë

Spastrimi nga ‘tradhtarët’ e nepotizmi, nesër konventa ‘kuqezi’ e PL! Sulme ndaj SPAK e ‘vizitë’ te Berisha

Nesër në orën 10:00 Ilir Meta ka thirrur Konventën Kombëtare të PL, me objektivin për të pastruar partinë nga tradhtarët dhe nepotizmi. Vetë përfaqësuesit e Partisë së Lirisë kanë ndarë detaje mbi axhendën, duke zbuluar se do të ketë 2000 të ftuar e 900 delegatë. Nuk do të mungojnë notat patriotike, ndërsa konventa zhvillohet nën klimën e një serie sulmesh në drejtim të SPAK.

Të shtunën Ilir Meta thërret në Pallatin e Kongreseve Konventën Kombëtare, për atë që e quan Rithemelimin dhe shkëputje nga nepotizmi të partisë.

Konventa, në të cilën nuk do të mungojnë notat patriotike dhe priten më shumë se 900 delegatë dhe mbi 2000 të ftuar, mes të cilëve kryetarë të partive aleate dhe sipas PL-së edhe përfaqësi të trupës diplomatike në Tiranë, po trumbetohet nga Ilir Meta si ngjarja e madhe që do të shënojë ringritjen Partisë që ka themeluar vetë. Meta ka paralajmëruar që përmes ndryshimeve statutore do ta shkëpusë partinë nga nepotizmi, moment që largon automatikisht Monika Kryemadhin nga strukturat drejtuese.

Vëmendjen kryesore në Kongres pritet ta ketë pikërisht grupi i ish kryetares “Kryemadhi”, ndaj të cilit Meta ka pasur jo pak kritika dhe madje, akuza të forta duke i cilësuar si tradhtarë e të infiltruar të Edi Ramës. Përballjen e parë Meta-Kryemadhi e patën në Komitetin Politik Drejtues, por në Konventë Meta përballet për herë të parë edhe me të tjerë të besuar të Kryemadhit, si Endrit Braimllari që dha dorëheqjen si anëtar kryesie për shkak të luftës së brendshme.

Ndërsa vetë Meta, prej së shtunës nuk do të quhet më kryetar i Partisë së Lirisë, por President i saj.

Përballë në garën për President, ai ka Faik Bashën, një ish drejtues policie aktualisht kryetar i degës së Kamzës. Por rezultati duket i qartë, pasi më shumë sesa ambicie për President të PL, kandidimi i tij duket përpjekje për të legjitimuar garën.

Me marrjen e postit President, Meta me të besuarit e tij do të drejtohet në rrugicën poshtë banesës së ish kryeministrit Sali Berisha, në arrest shtëpie prej 30 dhjetorit, me të cilin veç armikut politik, Edi Ramës tashmë bashkë ndajnë edhe luftën me drejtësinë.

Konventa për Rithemelimin e PL zhvillohet në klimën e një sërë sulmesh që Meta i ka bërë SPAK dhe kreut të saj Altin Dumanit.

G.M./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • populli: 26/04/2024 15:49

    yyy mu ju thjefja mu ne parti plera

    Përgjigju
    • Dursakja: 27/04/2024 06:30

      Ilir Meta jep llogari për atë që i ke grabitur dhe shkatërruar këtij vendi, ndërsa për Ramën nëse ka shkel ligjet e ke në një qeli aty pranë. Nëse zbatohet ligji për të gjithë Shqipëria do të përparojë.

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49