Receta

Speca të mbushura me kuskus nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 23 Qershor 2023, 12:20 | Përditesimi: 23 Qershor 2023, 12:23

Speca të mbushura me kuskus

Përbërësit:

2 speca të mëdhenj
80 gr kuskus
1 kungull i njomë
2 qepë
80 gr domate qershi
Vaj ulliri ekstra i virgjër
Kripë, piper
Trumzë, kerri

Përgatitja:

LEXO EDHE:
Hallvë me arra nga zonja Albana

Presim specat përgjysmë për së gjati dhe heqim farat. I lyejmë specat jashtë dhe brenda me pak vaj ulliri dhe i rregullojmë me kripë. I vendosim në furrë të piqen në 200°C për 15 minuta.

Ndërkohë hedhim kuskusin në një enë, shtojmë pak kripë, pak vaj dhe një spërkatje të lehtë me kerri. Më pas shtojmë ujë të nxehtë dhe e lëmë të pushojë për 10 minuta.

Presim kungullin në kubikë dhe qepën në rripa të hollë dhe i skuqim me pak vaj në një tigan në zjarr të fortë për 5-10 minuta. Në fund rregullojmë shijen me kripë dhe piper. Qepën e kaurdisur me kungujt e shtojmë tek kuskusi, shtojmë dhe domatet qershi të prera në katërsh, trumzën dhe pak vaj ulliri. Me këtë masë mbushim specat dhe i servirim në një pjatancë.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com