Receta

Speca të mbushura me perime dhe mish të grirë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 25 Janar 2023, 11:43 | Përditesimi: 25 Janar 2023, 11:44

Speca të mbushura me perime dhe mish të grirë

Përbërësit:

8 speca
250 gr mish i grirë
1 qepë e thatë
1 spec i kuq
1 spec jeshil
1 kungull
1 lgj salcë speci
1 lgj salcë domate
2 domate
1 gotë oriz
Kripë, piper
Bimë aromatike
Ujë i nxehtë

Përgatitja:

LEXO EDHE:
Pulë me oriz në furrë nga zonja Albana

Në një tenxhere me vaj të nxehtë kaurdisim specat të cilëve u kemi hequr kapakun dhe i kemi pastruar nga farat.

Qepën e grirë imët e kaurdisim në tenxhere, sapo qepa të bëhet transparente shtojmë mishin e grirë dhe vazhdojmë kaurdisjen derisa mishi të përthithë të gjitha lëngjet. Më pas shtojmë specin e kuq dhe jeshil të prerë në kubikë, kungullin, domaten e grirë, salcat, orizin dhe pak ujë të ngrohtë. Rregullojmë shijen me kripë, piper dhe bimë aromatike. Me këtë masë mbushim specat dhe i vendosim në furrë në temperaturën 180 gradë Celsius për 30 minuta.

MC/Shqiptarja.com

TAG: