LONDËR, Angli - Premier League e futbollit në Angli nisi këtë të shtunë raundin e 11-të. Në Londër, Tottenham dhe Manchester United barazuan 2-2 në një ndeshje që dhuroi emocione deri në sekondat e fundit.

Përballja nisi me frikën e dy skuadrave për mos pësuar, por Tottenham ishte më kërkues. Megjithatë, kalimi i minutave bëri që United të shihte nga sulmi dhe goli nuk mungoi. Në minutën e 32-të, pas një rrëmuje në zonë, krosimi i Diallo u shfrytëzua bukur nga Mbeumo, që me kokë kaloi "Djajtë e Kuq" në epërsi.

Me nisjen e fraksionit të dytë Spurs kërkuan barazimin, por diçka e tillë erdhi vetëm në minutën e 84-t. Tel, i cili kishte pesë minuta në fushë barazoi për 1-1 pas një pasimi të Udogie. Fundi i ndeshjes ishte "i çmendur" pasi Richarlison përmbysi momentalisht ndeshjen 2-1 për Tottenham. Goditja e Odobert u devijua me shpinë nga braziliani dhe tifozët vendas me të drejtë nisën festën.

Mirëpo, në aksionin e fundit të ndeshjes ishte de Ligt që barazoi për 2-2. Bruno Fernandes krosoi nga këndi dhe holandezi gjeti golin e parë sezonal dhe të pikës për United.

Pas 11 javëve të luajtura në Premier League, momentalisht Tottenham mban vendin e tretë me 18 pikë. Po me 18 pikë Manchester United e gjen vendin në pozitën e shtatë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 20:52

    A është zgjidhje për parkimet dysh dënimi me burg?

Lajme të tjera