Një supersfidë e çmendur mes Manchester United dhe Arsenal në “Old Trafford”, ku emocionet pushtuan zemrat e të gjithë tifozëve në Angli dhe jo vetëm.Takimi përfundoi me rezultatin 2-2, me të dyja skuadrat që ndanë nga një pikë, jo dhe aq të vlefshme për renditjen e tyre aktuale në Premier League.
Londinezët kaluan fillimisht në avantazh me anë të Shkodran Mustafit , pas një gabimi trashanik të David De Geas dhe ndërhyrjes së goal line technology.
Gjithsesi, avantazhi i Arsenal nuk zgjati shumë. Në minutën e 29-të, Leno bën mrekullinë duke pritur goditjen e dënimit të Marcos Rojos, por Herrera rikthen topin në zonë dhe Martial e ka mjaft të thjeshtë të dërgojë topin në rrjetë.Pjesa e dytë fillon me një ritëm mjaft të lartë, ku të dyja skuadrat dëshironin patjetër fitoren. Një gabim i Rojos, i jep “Gunners” mundësinë të kundërsulmojnë, me Lacazette që i futur në lojë në pjesën e dytë realizon pas një kombinimi të bukur me Mkhitaryan. Avantazhi i Arsenalir zgjat vetëm një minutë, pasi një gafë e Kolasinac, i jep mundësinë Jesse Lingard të dërgojë topin në rrjetën e Lenos.
Topçinjtë shtojnë presionin, Kolasinac kërkon të zhvlerësojë gabimin duke dhënë një krosim të ulët perfekt, por De Gea pret me këmbë gjuajtjen e Aubameyang. Vetëm pak sekonda më vonë, një tjetër krosim në zonën e United, por devijimi i Mkhitaryan nuk përfundon në portën e “Djajve të Kuq”. Në të 75-ën, De Gea duket se ka ndryshuar fytyrë, duke shpëtuar sërish portën e skuadrës së tij, pas një goditje të rrezikshme nga jashtë zone të Aubameyang. 90 minutat u mbyllën 2 me 2, por kjo mund të cilësohet padyshim një nga takimet më të bukura të Premier Leagues angleze deri më tani, me golat, spektaklin dhe emocionet që nuk munguan për asnjë moment.Pas këtij rezultati, Arsenal renditet i 5 në Premier League me 31 pikë, ndërkohë United gjendet në vendin e 7, në kuotën e 23 pikëve.
Në sfidat e tjera Liverpooli bëri detyrën duke vazhduar ndjekjen ndaj City-it, falë fitores 1-3 me përmbysje në fushën e Burnley-it falë golave të Milner, Firminos dhe Shaqirit. Tottenham mposhti 3-1 Southampton dhe u ngjit në vendin e tretë duke përfituar nga humbja e dytë sezonale e Chelsea të Sarrit që u thye nga Wolves me shifrat 2-1, pavarsisht avantazhit në pjesën e parë me Loftus-Cheek. Supersport
Lajme të tjera
-
Armando Broja flet pas rikthimit në fushë: Dua ekipin e parë sa më shpejt, fanella e Everton më dha emocion
26 Nëntor, 14:55 -
Sot Champions League, Milan dhe Barcelona e kanë të lehtë në letër! Inter e City në shtëpi, spikat Bayern Munich - PSG
26 Nëntor, 10:21 -
Rikthehet Broja, sulmuesi gjen minutat e para për këtë sezon me Everton U-21
26 Nëntor, 07:28 -
Halaand humb shënjestrën, 2 gola në 7 ndeshje! Vuan nga ‘mallkimi’ i Artetës
25 Nëntor, 12:45 -
GOLAT/ 'Faraoni' Salah nderon Liverpoolin, nis shkëputja në krye të Premier League! Ipsuich ndal 1-1 Man. United në debutimin e Amorim
24 Nëntor, 17:31 -
GOLAT/ Man. City dhe Guardiola pesë humbje radhazi, pësojnë 'poker' nga Spurs! Chelsea dhe Arsenal marrin tri pikë dhe kërcënojnë kreun e Premier League
23 Nëntor, 16:42 -
Armando Broja lë pas dëmtimin, Everton 'i ndryshon' skuadër
22 Nëntor, 10:20 -
Pep Guardiola rinovon me Manchester Cityn
21 Nëntor, 14:44 -
Pep Guardiola pritet të qëndrojë te Manchester City deri në vitin 2026
18 Nëntor, 14:27 -
VIDEO/ Skandal në Premier League, arbitri filmohet duke thithur pluhur të bardhë gjatë Euro 2024! Dyshohet kokainë
14 Nëntor, 11:09 -
VIDEO/ Armando Broja kthehet në aksion, shënon golat e parë me Everton
13 Nëntor, 08:41 -
Ofendoi Liverpoolin dhe Jurgen Klopp, pezullohet arbitri i Premier League
12 Nëntor, 15:42
