Receta

Spinaq burani me vezë sy nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 24 Tetor 2022, 10:31 | Përditesimi: 24 Tetor 2022, 10:32

Spinaq burani me vezë sy

Përbërësit:

1 kg spinaq
1 qepë e thatë
3 qepë të njoma
2 lgj oriz
4 lgj vaj ulliri
4 kokrra vezë
½ tufë majdanoz
½ tufë koper
1 gotë ujë
Kripë, piper

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Lajmë spinaqin dhe e lemë të kullojë. Ndërkohë në një tigan të thellë vendosim vaj ulliri dhe një thelpi hudhër. Sapo vaji të aromatizohet e largojmë hudhrën dhe shtojmë qepën e thatë spërkatur me pak kripë. E kaurdisim qepën derisa të zbutet më pas shtojmë qepët e njoma dhe orizin. Vazhdojmë kaurdisjen duke shtuar dhe pak ujë. Kur shohim që orizi ka shpërthyer kokrrën shtojmë spinaqin e grirë mesatarisht. Pasi spinaqi të ulë vëllimin shtojmë erëzat dhe bimët aromatike. Në fund hedhim vezët (1 vezë për person), sipër vezëve bëjmë një spërkatje të lehtë me kripë dhe bimë aromatike. Vendosim kapakun dhe e lemë gatimin derisa vezët të mpiksen.