Receta

Spinaq në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 13 Dhjetor 2022, 12:02 | Përditesimi: 13 Dhjetor 2022, 12:03

Spinaq në furrë

Përbërësit:

300 gr spinaq
3 lgj vaj ulliri
1 qepë
1 patate
3 kokrra vezë
2 lgj kos
150 ml qumësht
1 lgj majonezë
½ lgj koncentrat
1 lgj miell misri
1 lgj gjalpë
1 tufë koper
Kripë, piper

Përgatitja:

LEXO EDHE:
Pulë me oriz në furrë nga zonja Albana

Grijmë një qepë shumë imët, ndërsa pataten e presim në rrethore. Në një tigan me bazë të gjerë ngrohim pak vaj ulliri dhe vendosim qepët të kaurdisen së bashku me patatet. I spërkasim me pak kripë dhe piper dhe sapo qepa është bërë transparente shtojmë spinaqin. Ndërkohë që spinaqi ul vëllimin rrahim vezët me kosin, qumështin dhe majonezën.

Lyejmë një tavë me pak gjalpë dhe vendosim spinaqin e kaurdisur së bashku me qepën dhe patatet. Shtojmë koper të grirë si dhe bëjmë një spërkatje të lehtë me miell misri. Shtojmë kremin me vezë, qumësht dhe kos dhe në fund e spërkasim me pak miell misri ose djathë dhe e vendosim në furrë të parangrohur në temperaturën 200 gradë Celsius për 30 minuta.

MC/Shqiptarja.com

TAG: