POP 5

Lajmet më të lexuara të 5 minutave të fundit

Kultura

Spiro Katundi, këngëtari i njohur i festivaleve që u bë prift! Ndoqi gjurmët e të atit, artin e vazhdoi si krijues

Qendra për Hapje e Dialog propozoi në Bibliotekën e Korçës historinë e rrallë të At Spiro Katundi. Këngëtari, kantautori dhe aktori Katundi në vitin 1992, veshi rason e priftit ortodoks. Ai është i vetmi prift i kishës Autoqefale shqiptare, që vjen nga skena e teatrit dhe festivaleve.

5 herë në festivalet e interpretuesve dhe 2 në të dhjetorit, këngët e tij, dëgjohen ende në skena. I rritur mes teatrit e muzikës, arti ishte bërë pjesë e pandarë e jetës së At Spiro Katundit dhe do të mbetej po kështu, edhe kur ai të vendoste të vishte rason e priftit ortodoks në fillim vitet ’90. Do të ndiqte në këtë formë gjurmët e të atit, i cili shërbeu si klerik kur feja ishte e ndaluar.

Është një histori e rrallë ajo e Ikonomit të Mitropolisë së Korçës, që Qendra për Hapje dhe Dialog e propozon në Bibliotekën “Thimi Mitko” të qytetit si “Personazh në fokus”.

Të pranishëm në këtë takim janë edhe miqtë e tij, që rrëfejnë për humanizmin e tij si klerik i kishës ortodokse dhe njëherazi karrierën letraro-artistike. Kompozitor, tekst shkrues, dramaturg, At Spiro Katundi, artin vijoi ta ushqejë me krijimtarinë  e tij në shumë dimensione.

Gjatë takimit, ku ishin edhe përfaqësues nga Mitropolia e Shenjtë e Korçës, u cek edhe roli i rëndësishëm i At Spiro Katundit, sa  i përket tolerancës fetare.

B.V/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56