Spiropali thirrje opozitës: Mjaft e mbajtët peng Kuvendin, eja të flasim! Sillni propozimet për Reformën Zgjedhore

 

Ministrja e Shtetit për Marrëdhëniet me Parlamentin, Elisa Spiropali i ka bërë thirrje opozitës që të mos vijojë me skenarin e bllokimit dhe të mos marrë më peng Kuvendin. Spiropali i ftoi që te gjejnë një gjuhë të përbashkët, të paraqiten në Konferencën e Kryetarëve, si edhe një ftesë e pati që të sjellin propozimet e tyre për Reformën Zgjedhore.

“Hera e parë që marr faljen në këto katër muaj të këtij teatri. Dua t’iu them diçka shumë miqësisht. Sot është 7 marsi, vetëm një koment.

LEXO EDHE:
'Konkurrenca' ankohet për staf! Braçe 'kryqëzon' Denar Bibën: Je kot në detyrë! Do makina të shtrenjta të gjesh monopolin në tregjet abuzivë?!

Po qetësohu more qetësohu....

Desha të bej një urim për mësuesit e Shqipërisë, besoj edhe në emrin tuaj...

Po qetësohuni more çkeni.

Besoj mësuesit na kanë mësuar që kur flet dikush nuk ja marrin fjalët tjerët, nuk bëhet zhurmë, s’ka bilbila. Ka ardhur koha që ti gjejmë dy fjalë të përbashkëta. Ejani në Konferencën e Kryetarëve të biem dakord për objektet, ejani në komisionin e Reformës Zgjedhore dhe sillni propozime përmbajtësore, por mos e merrni peng këtë ditë që nuk është e jona për e mësuesve. Gjithë fëmijëve të Shqipërisë po i jepni sot shembull të shëmtuar. Jemi shumë afër që të gjejmë një zgjidhje. Partinë  e bashkuat, udhëheqësit janë bashkë, jeni të fortë e të gatshëm, vazhdoni para dhe zgjidhja është shumë e thjeshtë”, tha Spiropali.

Lajmi kryesor:

Kuvend/ Zgjatet afati për investimet strategjike, Rithemelimi me zhurmues në sallë: Votimi pa kuorum! Spiropali: Ejani të flasim, mjaft e mbajtët peng

SI.E./KT/Shqiptarja.com

TAG:
• Rithemelimi kaos ne kuvend
• investimet strategjike
• kuvend