Spiropali-Berishës: Varrmihësi i sistemit elektroenergjetik shqiptar! Sot s'do kishim nevojë të blinim energji nëse s'do kishit shkatërruar asetet

 

Ministrja Elisa Spiropali ka reaguar pas fjalës së Berishës duke i renditur një sërë faktesh që i cilëson të pakundërshtueshme dhe që rrënuan sistemin.

“Sapo foli varrmihësi i sistemit elektroenergjetik shqiptar. Nuk qeshim dot se është për të qarë. Dua t’i rendis disa fakte të pakundërshtueshme. Nuk po e nis nga fillimi i viteve 90 por e gjithë ajo stuhi mbi energjinë elektrike rrënoi bazat komerciale dhe tregtare të sistemit elektroenergjetik shqiptar.

LEXO EDHE:
Një muaj pasi u zgjodh nga Kuvendi, Ndriçim Xhepa jep dorëheqjen si anëtar i Këshillit Drejtues të RTSH

Me faktet për dorëzaninë e privatizimin le të merret SPAK por fakti është që në 2012 dhe në fillim të 2013, ky kryeministër i bënte thirrje CEZ të hapte dritat. Këtë kontroll kishit ju. Qeveria juaj vendosi shitjen dhe demontimin e termocentralit të Fierit, e shiti për skrap. Po të bësh llogari sot, TEC i Fierit do ishin gjërat ndryshe.

Po të ishin këto asete, del që nuk do të kishim sot nevojë për import por do mund t’i plotësonim nevojat tona. Pasi e rrënuat sistemin, ju na flisni sot për performancën e OSHEE”, tha Spiropali.

Lajmi kryesor:

Debate në Kuvend për krizën energjetike/ Qeveria: Në tetor u konsumua 5% energji më pak se vjet! PD: Në 8 muaj shpenzuat 330 mln euro! Pse nuk ngrini HEC e Vlorës?

A.M./KT/Shqiptarja.com

TAG:
• kriza energjetike
• Kuvendi i Shqiperise