TIRANE, 16 mars /ATSH-AFP/. - Arsène Wenger, trajner i Arsenalit, qe u mund nga Monaco 3-1 ne Emirates Stadium ne ndeshjen vajtje, eshte shprehur te henen ne nje interviste per AFP-ne se ekipi i tij "ka nje shans te dyte" ne ndeshjen e kthimit mes dy ekipeve ne Stade Louis-II.
"Monaco eshte ne pozita favorizuese, por ne kemi pervoje dhe deshire. Dhe mendoj se i kemi mundesite  per te bere gjithçka. Ne do te bejme maksimumin e mundshem per kete", theksoi Wenger.
"Monaco ka nje mbrojtje shume solide, ndaj ne duhet te jemi krijues ne loje. Une kam respekt te madh per futbollin francez, per nivelin e tij te mire. Do te luajme me nje ekip te forte fizikisht dhe te organizuar shume mire, ndaj them se do te jete e veshtire", tha ai. /a.ke/